Ճորճ Պուռնութեան (25 Սեպտեմբեր 1943(1943-09-25), Սպահան, Իրան - 22 Օգոստոս 2021(2021-08-22), Նիւ Ճըրզի, Ամերիկայի Միացեալ Նահանգներ), հայ պատմաբան, հայագէտ։
Ճորճ Պուռնութեան | |
---|---|
| |
Ծնած է | 25 Սեպտեմբեր 1943 |
Ծննդավայր | Սպահան, Իրան |
Մահացած է | 22 Օգոստոս 2021 (77 տարեկանին) |
Մահուան վայր | Նիւ Ճըրզի, Ամերիկայի Միացեալ Նահանգներ |
Քաղաքացիութիւն | Իրան |
Ուսումնավայր | Քալիֆորնիա Համալսարան (Լոս Անճելըս) |
Մասնագիտութիւն | փրոֆեսոր, պատմաբան |
Աշխատավայր | Ռատգերսի համալսարան? Նիւ Եորք Համալսարան Քոլումպիա Համալսարան Կոնեկտիկուտի համալսարան? Քալիֆորնիա Համալսարան (Լոս Անճելըս) Թաֆթս Համալսարան |
Ծնած է Սպահան (Իրան)։ Համալսարանի երկարամեայ դասախօս եւ առաւել քան երեսուն հատորներու հեղինակ ու թարգմանիչ:
Անոր գործերը եւ ուսումնասիրութիւնները գլխաւորաբար նուիրուած են հայոց, պարսից եւ կովկասի պատմութեան:
Իր դոկտորական աւարտաճառը պաշտպանած է 1976-ին, Քալիֆորնիոյ համալսարանի Լոս Անճելըսի մասնաճիւղին (UCLA) մէջ, նիւթ ունենալով «Արեւելեան Հայաստանը՝ ռուսական նուաճման նախօրեակին»:
Ան պարսից եւ հայոց պատմութիւն դասաւանդած է բազմաթիւ բարձրագոյն ուսմանց հաստատութիւններու մէջ (Քալիֆորնիոյ համալսարանի Լոս Անճելըսի մասնաճիւղ, «Քոլոմպիա», «Թաֆց», Նիւ Եորք, «Ռաթկըրզ», Քընեթիքըթ, «Ռամափօ» քոլէճ եւ Կլենտէյլի համայնաքային քոլէճ):
Երկար տարիներ Ռուսիոյ եւ Խորհրդային միութեան պատմութիւն դասաւանդած է Այոնա քոլէճի (Նիւ Եորք) մէջ:
Ան Իրանեան հանրագիտարանի քառասուն խմբագիրներէն մէկը եղած է: 1990ական թուականներուն ան դասաւանդած եւ դասախօսած է նաեւ «Սիամանթօ» լսարանի աշակերտներուն:
Պուռնութեան հեղինակած է շարք մը հատորներ, որոնցմէ հայոց համառօտ պատմութիւնը («A Concise History of the Armenian People») ունեցած է եօթը հրատարակութիւններ: Այս գործերը թարգմանուած են բազմաթիւ լեզուներու, որոնց կարգին՝ հայերէնի, սպաներէնի, արաբերէնի, թրքերէնի, ռուսերէնի, ճափոներէնի եւ պարսկերէնի:
Ան նաեւ անգլերէնի թարգմանած է ուշ միջնադարեան եւ վաղ արդի շրջանի բազմաթիւ հայ մատենագիրներու գործերը:
This article uses material from the Wikipedia Արեւմտահայերէն article Ճորճ Պուռնութեան, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.