Կտանսք (լեհ.՝ Gdańsk), քաղաք Լեհաստանի հիւսիսը։ Երկրի վեցերորդ խիտ բնակեցուած քաղաքն է։ 2006-ի մարդահամարի տուեալներով քաղաքին բնակչութեան թիւը կը կազմէ 460.000 մարդ։
Կտանսք մեծ նաւահանգիստ է, որ կը գտնուի Պալթիք ծովու կեդրոնը։ Քաղաքը կը համարուի Լեհաստանի արդիւնաբերական եւ արհեստագիտական զարգացման ամենամեծ կեդրոններէն մէկը։
1980-ականներուն Կտանսք «Համերաշխութիւն» շարժման ծննդավայրն էր, որ մեծ դեր կ'ունենայ Լեհաստանի կոմունիստական իշխանութեան վերջ տալու հարցին մէջ եւ կ'օգնէ տկարացնելու Արեւելեան դաշինքին փլուզման, Պերլինի պատին անկման եւ Վարշաւայի պայմանագիրին լուծարման:
Կտանսքի մէջ կան Կտանսք համալսարանը, Կտանսքի արհեստագիտական համալսարանը, Ազգային թանգարանը, Կտանսքի Շէյքսփիր թատրոնը, Բ. Համաշխարհային պատերազմի թանգարանը, Լեհաստանի Պալթեան ֆիլհարմոնիան եւ Եւրոպական համերաշխութեան կեդրոնը:
1260-էն ի վեր քաղաքը կը հիւրընկալէ նաեւ Ս. Տոմինիքեան տօնավաճառը, որ կը համարուի Եւրոպայի մեծագոյն առեւտրական եւ մշակութային իրադարձութիւններէն մէկը:
This article uses material from the Wikipedia Արեւմտահայերէն article Կտանսք, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.