«Սպիտակ տան գրոհը» (անգլ.՝ White House Down), Ռոլանդ Էմիրիխի մարտաֆիլմը, որի սցենարիստը Ջեյմս Վանդերբիլտն է։ Գլխավոր դերերում են Չենինգ Թաթումը, Ջեյմի Ֆոքսը և Ջեյմս Վուդսը։ Ֆիլմի պրիմիերան ԱՄՆ-ում կայացել է 2013 թվականի հունիսի 28-ին։
Սպիտակ տան գրոհը անգլ.՝ White House Down | |
---|---|
Երկիր | ԱՄՆ |
Ժանր | մարտաֆիլմ[…], թրիլեր, դրամա և քաղաքական թրիլեր |
Թեմա | Սպիտակ տուն, ահաբեկչություն և ԱՄՆ գաղտնի ծառայություն |
Թվական | 2013 և սեպտեմբերի 5, 2013 |
Լեզու | անգլերեն |
Ռեժիսոր | Ռոլանդ Էմերիխ[…] |
Պրոդյուսեր | Ռոլանդ Էմերիխ, Լաետա Կալոգրիդիս, Հարալդ Քլոզեր, Ջեյմս Վանդերբիլթ և Լարի Ջ. Ֆրանկո |
Սցենարի հեղինակ | Ջեյմս Վանդերբիլթ |
Դերակատարներ | Չաննինգ Տատում[…], Ջեյմի Ֆոքս[…], Մեգի Ջիլենհոլ, Ջեյմս Վուդս, Ջեյսոն Քլարք, Գարսել Բովե, Ռիչարդ Ջենքինս, Լենս Ռեդիք, Ջոուի Քինգ, Ռաշել Լեֆևր, Մայքլ Մերֆի, Ջիմմի Սիմփսոն, Ջեյք Ուեբեր, Փիթեր Ջեյկոբսոն, Մեթ Քրեյվեն, Nicolas Wright?, Anthony Lemke?, Jackie Geary?, Քևին Ռանկին, Romano Orzari?, Ֆալկ Հենչլ, Ալեն Մուսի, Սթիվեն Փարենթ, Վինսենթ Լեկլերս և Barbara Williams? |
Օպերատոր | Աննա Ֆորսթեր |
Երաժշտություն | Ալան Մենկեն |
Պատմվածքի վայր | Վաշինգտոն, Կոլումբիայի շրջան, Սպիտակ տուն, Կապիտոլիում և Պենտագոն |
Նկարահանման վայր | Մոնրեալ |
Կինոընկերություն | Centropolis Entertainment |
Տևողություն | 131 րոպե |
Բյուջե | 150 000 000 $ |
Շահույթ | 205 366 737 $ |
Պաշտոնական կայքէջ |
Ջոն Քեյլը Կապիտոլիումի պահակախմբի ոստիկաններից էր։ Նա պատրաստվում էր աշխատանքի անցնել Գաղտնի ծառայությունում, ով պետք է պաշտպաներ նախագահին։ Միևնույն ժամանակ նա իր աղջկա՝ Էմիլիի համար շրջայց է կազմակերպում Սպիտակ տանը։ Նա շատ էր հետաքրքրված քաղաքականությամբ, և այդպես Ջոնը ցանկանում է վերականգնել իր և աղջկա հարաբերությունները։
Նույն այդ օրը, մի խումբ զինյալներ նախատեսել էին գրավել Սպիտակ տունը։ Հանցագործները Սպիտակ տուն են մտնում վերանորոգող բրիգադի տեսքով և արագ գրավում են շենքը և գերի վերցնում զբոսաշրջիկներին։ Երբ նախագահ՝ Ջեյմս Սոյերը տեղափոխվում է ստորգետնյա ապաստարան, պարզվում է, որ ահաբեկչական գործողությունները ղեկավարում էր անվտանգության ղեկավարը՝ Մարտին Ուոկերը։ Ջոն Կեյլը վերցնում է զինյալներից մեկի զենքը և սկսում է օգնել Սպիտակ տանը։ Էմիլի Քեյլը իր բջջային հեռախոսով տեսահոլովակ է արձանագրում և այն վերբեռնում է Youtube: Այդ տեսահոլովակով շտաբը ճանաչում է ահաբեկիչներին։ Պենտագոնի օպերատիվ շտաբը հավաքվում է և եզրակացնում, որ Մարտին Ուոկերն այդ արարքը կատարել է իր որդու վրեժը լուծելու համար, ով մահացել էր Իրանում՝ ռազմական առաքելություն կատարելիս։ Սակայն Ուոկերը միայն $400 մլն էր ցանկանում։ Կառավարական շտաբը չէր կարողանում համաձայնության գալ, թե ով պետք է փրկի Սպիտակ տունը. ոստիկանությունը, ՀԴԲ-ն, թե Գաղտնի ծառայությունը։ Ժամանակը գնում է։ Նախագահ Սոյերը և Քեյլը ցանկանում են դուրս գալ շենքից զրահապատ լիմուզինով, սակայն վարանում են ճեղքել վիթխարի ցանկապատը։ Զինյալները շրջապատում են Սոյերին ու Քեյլին և նրանց պարզապես հրաշքով է հաջողվում փախչել նռնակի պայթյունից։ ԶԼՄ-ները սկսում են տարածել նախագահի մահանալու մասին լուրը։
Ըստ ԱՄՆ-ի Սահմանադրության 25-րդ կետի իշխանությունը անցնում է փոխնախագահ Համոնդին։ Միևնույն ժամանակ հաքերները հրթիռ են բաց թողնում №1 տեղամասի վրա։ Փոխնախագահը մահանում է։ ԱՄՆ-ի նոր՝ 46-րդ նախագահը լիազորում է ավիահրթիռ բաց թողնել Սպիտակ տան վրա։ Ուոկերը գտնում է Քեյլի աղջկան և ստիպում է նրան և նախագահին դուրս գալ թաքստոցից։ Այնուհետև նա տիրանում է մի միջուկային ճամպրուկի և ուժով ստիպում է, որպեսզի Սոյերը բացի այն։ Մեջբերելով Վուդրո Վիլսոնին. «Գրիչն ավելի հզոր է, քան՝ սուրը»՝ Սոյերը գրիչով հարվածում է նրան, բայց չի հաջողվում կանգնեցնել Ուոկերին։ Վերջին գոտեմարտում Քեյլը կարողանում է սպանել Ստենցին։ Էմիլին վազում է դեպի մարգագետին մեծ դրոշով և ազդանշան է տալիս մարտիկներին, որպեսզի կանգնեցնեն հարձակումը։ Զինյալները դադարեցրին գրոհը։ Քեյլը հասկանում է, որ այս ամենի մեջ ներգրաված է բարձրաստիճան պաշտոնյաներից մեկը, ով Ուոկերին տվել է միջուկային ճամպրուկի կոդը։ Դավաճանը ժամանակավոր նախագահ Էլայ Ռեֆերսոնն էր։ Նա և Ուոկերը պլանավորել էին Սպիտակ տան գրոհը։
Վերջում Քեյլը դառնում է նախագահի թիկնապահը և նախագահի ինքնաթիռով գնում են հիվանդանոց։
Դերասան | Դեր |
---|---|
Չենինգ Թաթում | Ջոն Քեյլ |
Ջեյմի Ֆոքս | Ջեյմս Սոյեր (ԱՄՆ նախագահ) |
Ջեյմս Վուդս | Մարտին Ուոկեր |
Ջեյսոն Քլարք | Էմիլ Ստենց |
Ռիչարդ Դենկինս | Էլայ Ռեֆերսոն |
Մեգի Ջիլենհոլ | Կերոլ Ֆիներտի |
Ջոի Քինգ | Էմիլի Քեյլ |
Ռեյտ Նիկոլաս | Դոնի |
Ջեյմս Ռայմոնդ | Սկիպ Թայլեր |
Ռաշել Լեֆևր | Մելանի |
Ռեդիկ Լենս | գեներալ Կոլֆիլդ |
Ջեյկ Ուեբեր | Թեդ Խոուպ |
Փիթեր Ջեյկոբսոն | Ուոլես |
Sony Pictures Entertainment-ը Վանդերբիլտի սցենարը գնեց 2012 թվականին՝ 3 մլն դոլլարով։ Sony Pictures Entertainment-ը ապրիլին Ռոլանդ Էմերիխին նշանակում է ֆիլմի ռեժիսոր։
Ֆիլմի նկարահանումնեն սկսվել է 2012 թվականի օգոստոսին Մոնրեալում և Վաշինգտոնում։
This article uses material from the Wikipedia Հայերեն article Սպիտակ տան գրոհը, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.