Տարօրինակ Դեպքեր Սթիվ Հարինգտոն
Սթիվ Հարինգտոն (անգլ.՝ Steve Harrington), Նեթֆլիքս հարթակի «Տարօրինակ դեպքեր» գիտական ֆանտաստիկա հեռուստասերիալի գեղարվեստական կերպար, որին մարմնավորել է ամերիկացի դերասան Ջո Քիրին։
| Սթիվ | |
|---|---|
| Տարօրինակ դեպքերի հերոս | |
| Առաջին անգամ հայտնվել է | «Ուիլ Բայերսի անհետացումը» (2016) |
| Ստեղծող | Դաֆեր եղբայրներ |
| Տեղեկություններ | |
| Ամբողջական անուն | Սթիվ Հարինգտոն |
| Մականուն(ներ) |
|
| Սեռ | Արական |
Կերպարի կենսագրություն
Առաջին եթերաշրջան
Սթիվը ի սկզբանե լինում է 1980-ականների ոճով տղա։ Հանդիպում է Նենսի Ուիլերի հետ, սակայն Ջոնաթան Բայերսի տեսախցիկը կոտրելուց հետո, Նենսին մտերմանում է Ջոնաթանի հետ։ Սթիվը Ջոնաթանի հետ կռվում է և հասկանում է իր սխալները։ Երբ նա գնում է Բայերսների տուն, ներողություն խնդրելու համար, օգնում է Նենսիին և Ջոնաթանին Դեմագոգոնի դեմ պայքարում, նրանք հաղթում են։ Եթերաշրջանի վերջում Նենսին նոր տեսախցիկ է գնում Ջոնաթանի համար, և Սթիվը շարունակում է իր հարաբերությունները Նենսիի հետ։
Երկրորդ եթերաշրջան
Սթիվի հարաբերությունները Նենսիի հետ լինում են լարված, և զույգը բաժանվում է այն բանից հետո, երբ Նենսին չի ասում, որ սիրում է տղային։ Մի երեկույթի ժամանակ Նենսին հարբում է և Սթիվին ասում է, որ նրանց հարաբերությունները կեղծ են։ Սթիվը վատ հարաբերություններ է ունենում դպրոցի նոր աշակերտ՝ Բիլի Հարրովի հետ, որը զբաղեցնում է Սթիվի տեղը։ Սթիվը կապ է հաստատում Մայք Ուիլերի և նրա ընկերների հետ այն բանից հետո, երբ Դասթին Հենդերսոնը խնդրում է նրան օգնել գտնել Դարտանյանին, առանց կասկածելու, որ դա Դեմագորգոնն է։ Սթիվը և Դասթինը քննարկում են, թե ինչպես կարելի է մտերմանալ աղջիկների հետ, այդ ժամանակ Դասթինը սիրահարված է լինում Մաքսին։ Շուտով նրանց միանում է Մայքը, Լուկասը և Բիլիի խորթ քույրը՝ Մաքսը։ Սթիվը պաշտպանում է երեխաներին, երբ Դեմագորգոնը պատրաստվում է հարձակվել, նաև ձգում է ժամանակ, որպեսզի Տասնմեկը Հոփերի հետ փակեն դարպասները և Ջոյսը Ուիլի միջից հանի Դեմագորգոնի ոգին։
Երրորդ եթերաշրջան
Միջնակարգ դպրոցը ավարտելուց հետո Սթիվը սկսում է աշխատել սրճարանում իր նախկին դասարանցու՝ Ռոբին Բաքլիի հետ (Մայա Հոուք), որը հաճախ ծաղրում է նրան։ Դասթինը, վերադառնալով գիտական ճամբարից և իր նոր ընկերուհու՝ Սյուզի Յուտայի հետ զրուցելու համար ռադիոընդունիչ սարք տեղադրելով, խնդրում է Սթիվի օգնությունը՝ իր լսած ռուսական ռադիոուղերձը թարգմանելու համար։ Ռոբինը օգնում է թարգմանությամբ, կռահելով, որ ռուսների պայմանագիրը կայանալու է հենց սրճարանում, Լուկասի քույրը՝ Էրիկան համաձայնում է օգնել նրանց և գնալ խողովակների միջով՝ անվճար պաղպաղակի դիմաց։ Սթիվը, Ռոբինը, Դասթինը և Էրիկան գտնում են ռուսների գաղտնի վայրը, որտեղ նրանք փորձում են բացել հակառակ կողմի դարպասները։ Ռուսները բռնում են Սթիվին և Ռոբինին, նրանց պահում են թմրանյութերի ազդեցության տակ, սակայն Դասթինը Էրիկայի հետ փրկում են նրանց։ Թմրանյութերի ազդեցության տակ Ռոբին քամինգ աութ է անում որպես լեսբուհի և ավելացնում, որ Սթիվը նրան գրավում է։ Դեպքերը տեղի են ունենում այնպես, որ բոլորը պայքարում են Դեմագորգոնի դեմ, մինչ Հոփերը Ջոյսի հետ կփակի դարպասները։
Հետագայում Սթիվը և Ռոբինը կորցնում են իրենց աշխատանքը և շարունակում են աշխատել այլ վայրում։
Ընդունելություն
Երկրորդ եթերաշրջանում Սթիվ Հարինգտոնի կերպարի զարգացումը հավանության է արժանացել և հանգեցրել է նրան, որ Սթիվը դարձել է շոուի ամենասիրված և քննադատված կերպարը, իսկ Ջո Քիրին ստացել է քննադատական կարծիքներ դերակատարման համար։ Քննադատները և հեռուստադիտողները դրական են արձագանքել կերպարի ստերեոտիպային խուլիգանից և սրտակերից՝ հոգատար և պաշտպանիչ բնավորության։ Երկրպագուներին հիմնականում դուր է գալիս նրա ընկերությունը Դասթին Հենդերսոնի հետ և նրա պաշտպանողական վերաբերմունքը երեխաների նկատմամբ, ինչն էլ հանգեցրել է նրան, որ շատ երկրպագուներ նրան անվանել են «Մայրիկ Սթիվ»։
Կերպարի զարգացումը շարունակվել է երրորդ եթերաշրջանում, որտեղ ներկայացվում է իր ընկերոջ՝ Ռոբին Բաքլիի կողմից։ Դերասաններ Ջո Քերրիի և Մայա Հոուքի միջև եղած սիրախաղը դրական արձագանքներ է ստացել քննադատների կողմից, ինչպես նաև դրական արձագանքի է արժանացել Սթիվի բնավորության կատակասեր կողմը։ Հիմանականում Սթիվը դրական գնահատականի է արժանացել՝ Ռոբինի որպես լեսբուհի քամինգ աութից հետո, նրա խոհուն և հասկացող բնավորության համար։
Ծանոթագրություններ
This article uses material from the Wikipedia Հայերեն article Սթիվ Հարինգտոն (Տարօրինակ դեպքեր), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.