Յան Կում (փետրվարի 24, 1976(1976-02-24), Կիև, Ուկրաինական ԽՍՀ, ԽՍՀՄ), ամերիկացի գործարար և ծրագրավորող, WhatsApp մեսենջերի համահիմնադիր և գլխավոր գործադիր տնօրեն։
Յան Կում ուկրաիներեն՝ Ян Кум | |
---|---|
Ծնվել է | փետրվարի 24, 1976 (48 տարեկան) |
Ծննդավայր | Կիև, Ուկրաինական ԽՍՀ, ԽՍՀՄ |
Քաղաքացիություն | ԱՄՆ և Ուկրաինա |
Կրթություն | Սան Խոսեի պետական համալսարան |
Մասնագիտություն | ճարտարագետ, համակարգչային գիտնական և ծրագրավորող |
Աշխատավայր | Yahoo |
Jan Koum Վիքիպահեստում |
Ծնվել է Կիևում, հրեական ընտանիքի միակ երեխան, մեծացել է Ուկրաինայի ԽՍՀ Կիևի մարզի Ֆաստովում։
Գաղթել է ԱՄՆ 1992 թվականին մոր՝ Ֆաինա Սեմյոնովա Կումի (1941-2000) և Ռահիլյա Մունբլաթի (1921-2002) տատիկի հետ, ապրել է Մաունթին Վյուում։ Հայրը՝ Բորիս Յակովլևիչ Կումը (1927-1997), Ֆաստովում ПМК-20 շարժական մեքենայացված շարասյան տնօրենը, մահացել է 1997 թվականին Ուկրաինայում, մայրը՝ 2000 թվականին ԱՄՆ-ում։ Թողնելով համալսարանը՝ Կումն աշխատանքի է ընդունվել Yahoo-ում, որտեղ ծանոթացել է Բրայան Էկթոնի հետ և աշխատել մինչև 2007 թվականը։
2014 թվականի փետրվարին Whatsapp-ը Facebook ընկերությանը վաճառվել էր 19 մլրդ դոլարով։ Այդ գործարքի արդյունքում Կումը դարձել է միլիարդատեր (2014 թվականի մարտին նրա կարողությունը 6,8 միլիարդ դոլարի էր հավասար Forbes ամսագրի գնահատականով) և Facebook-ի բաժնետեր։
2014 թվականի նոյեմբերին Յանը մեկ միլիոն դոլար է նվիրաբերել FreeBSD նախագծին, ինչը դարձել է FreeBSD նախագծի պատմության մեջ խոշորագույն նվիրատվությունը, որի չափը գերազանցել է FreeBSD Foundation-ի տարեկան բյուջեն, նույն թվականին շուրջ 556 միլիոն դոլար է նվիրաբերել Սիլիկոնային հովտի հասարակական հիմնադրամին։ Յան Կումը FreeBSD-ն օգտագործում է արդեն ավելի քան տասը տարի, այդ թվում Yahoo! WhatsApp ծառայության սերվերային ենթակառուցվածքներում։
2018 թվականի ապրիլին հայտարարել էր Facebook-ից հեռանալու մասին, որտեղ ընկերության տնօրենների խորհրդի անդամ էր Whatsapp-ի բաժնետոմսերի վաճառքի գործարքի արդյունքում։
Վիքիպահեստն ունի նյութեր, որոնք վերաբերում են «Յան Կում» հոդվածին։ |
This article uses material from the Wikipedia Հայերեն article Յան Կում, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.