Մակար Ա Թեղուտցի
Մակար Ա Թեղուտցի (Տեր-Պետրոսյան, 1813, Թեղուտ, Էրզրումի էլայեթ, Օսմանյան կայսրություն - ապրիլի 16, 1891(1891-04-16), Վաղարշապատ, Երևանի նահանգ, Ռուսական կայսրություն), Ամենայն Հայոց կաթողիկոս 1885 թվականից։ Հաջորդել է Գևորգ Դ Կոստանդնուպոլսեցուն։
| Մակար Ա Թեղուտցի | |
|---|---|
.jpg) | |
| Ծնվել է | 1813 |
| Ծննդավայր | Թեղուտ, Էրզրումի էլայեթ, Օսմանյան կայսրություն |
| Մահացել է | ապրիլի 16, 1891 |
| Մահվան վայր | Վաղարշապատ, Երևանի նահանգ, Ռուսական կայսրություն |
| Գերեզման | Գերեզման Ամենայն Հայոց կաթողիկոս Մակար Ա-ի |
| Մասնագիտություն | Eastern Orthodox priest |
| Զբաղեցրած պաշտոններ | Ամենայն Հայոց Կաթողիկոս և կաթողիկոս |
| Պարգևներ և մրցանակներ |  |
Կենսագրություն
Ծնվել է 1813 թվականի ապրիլի 6-ին Բիթլիսի նահանգի Թեղուտ գյուղում։
1821 թվականին, ութամյա հասակում բերվել է Էջմիածին վանքի դպրոցում ուսանելու համար։ 1828 թվականին ընդունվել է Էջմիածնի Ժառանգավորաց դպրոցը, որը փայլուն առաջադիմությամբ ավարտել է 1834 թվականին։ 1838 թվականին ձեռնադրվել է սարկավագ, 1842 թվականին՝ ստացել վարդապետի աստիճան, նույն տարում նշանակվում է Ժառանգավորաց դպրոցի ավագ ուսուցիչ, 1843 թվականին օգոստոսի 21-ին՝ նույն դպրանոցի տեսուչ։ 1847 թվականի ապրիլի 30-ին նշանակվում է Սինոդի անդամ, 1848 թվականին Ներսես Աշտարակեցու հրամանով մեկնել է Պարսկաստան՝ հայերեն հին ձեռագրեր որոնելու։ Վերադառնալուց հետո 1849 թվականին նշանակվել է Մայր Աթոռի մատենադարանի վերատեսուչ։ 1851 թվականի փետրվարի 14-ին իր ջանասիրության ու հավատարմության համար Ներսես Աշտարակեցուց վարձատրվում է վարդապետական ականակուռ խաչով։
Նա զգալի աշխատանք է կատարել տարբեր վայրերի սուրբ գրչագիր մատյանները Սուրբ Էջմիածնում կենտրոնացնելու ուղղությամբ։ 1852 թ.-ին Ներսես Ե Աշտարակեցու կողմից օծվել է եպիսկոպոս, այնուհետև նրան շնորհվել է արքության պատիվ և նույն թվականին էլ նշանակվել է Մայր Աթոռի լուսարարապետ։ Մակար Ա Թեղուտցու օրոք է, որ Գևորգյան ճեմարանի 3 շրջանավարտներ առաջին անգամ ցանկացել են դառնալ կուսակրոն՝ իրենց նվիրելով հայ եկեղեցուն։
Մահացել է 1891 թվականի ապրիլի 16-ին Վաղարշապատում՝ սրտի կաթվածից։ Ամփոփվել է Մայր տաճարի բակում։
Կաթողիկոսական գահին Մակար Ա Թեղուտցուն հաջորդել է Մկրտիչ Խրիմյանը (Խրիմյան Հայրիկը)։
Ծանոթագրություններ
| Նախորդող՝ Գևորգ Դ Կոստանդնուպոլսեցի | Կաթողիկոս 1885–1891 | Հաջորդող՝ Մկրտիչ Ա Վանեցի |
This article uses material from the Wikipedia Հայերեն article Մակար Ա Թեղուտցի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.