Կամչակայի մարզ (ռուս.՝ Камчатская область), մարզ Ռուսաստանի Դաշնությունում։ Կազմվել է 1932 թվականի հոկտեմբերի 20-ին, Ռուսաստանի Խորհրդային Ֆեդերատիվ Սոցիալիստական Հանրապետության Խաբարովսկի մարզի կազմում, 1956 թվականին ինքնուրույն մարզ էր ՌՍՖՍՀ կազմում։
| |||||
Երկիր | Կաղապար:Դրոշավորում/Ռուսաստան, ԽՍՀՄ | ||||
Մասն է | Հեռավորարևելյան դաշնային շրջան | ||||
Կարգավիճակ | նախկին վարչա-տարածքային միավոր | ||||
Մտնում է | Ռուսաստան, ՌԽՖՍՀ, Խաբարովսկի երկրամաս և Հեռավորարևելյան ափ | ||||
Վարչկենտրոն | Կամչատկայի Պետրոպավլովսկ | ||||
Հիմնադրված է | հոկտեմբերի 20, 1932 թ. | ||||
Ժամային գոտի | PETT? և Asia/Kamchatka? | ||||
Ընդգրկում է Կորյակական ինքնավար օկրուգը։ Տարածությունը 472, 3 հզ. կմ² է, բնակչությունը՝ 378 հզ. (1979)։ Զբաղեցնում է Կամչատկա թերակղզին և դրան հարող մայրցամաքային տարածության մի մասը, ինչպես նաև Կոմանդորյան և Կարագինյան կղզիները։ Բաժանված է 11 շրջանի, ունի 2 քաղաք և 14 քտա։
Կենտրոնը՝ Կամչատկայի Պետրոպավլովսկ։
Բնակչության 80%-ից ավելին ռուսներ են, մոտ 7%-ը՝ ուկրաինացիներ, մնացածը՝ բնիկներ (կորյակներ, ինտելմեններ, էվենկներ, ալեուտներ, չուկչաներ)։
Միջին խտությունը 1 կմ քառ. վրա 0,7 մարդ է, ուրբանիզացման մակարդակը՝ 83% (1975)։
Խորհրդային իշխանության տարիներին մարզը դարձել է ԽՍՀՄ ձկնորսության կենտրոններից մեկը։ Ձկան պահածոյի խոշոր կոմբինատներ կան Կամչատկայի Պետրոպավլովսկում, Օզերնովսկիում, Օկտյաբրսկիում, Կիրովսկիում, Ուստ-Կամչատսկում։
Զարգացած են մորթեղենի արդյունահանությունը և վանդակային գազանաբուծությունը, ինչպես նաև փայտամշակման արդյունաբերությունը։ Գյուղատնտեսության առաջատար ճյուղերն են եղջերվապահությունը, բանջարաբուծությունը։ Կամչատկայի մարզի արտաքին և ներքին տնտեսական բոլոր կապերն իրականացվում են ծովային տրանսպորտով։ Խոշոր նավահանգիստներն են Կամչատկայի Պետրոպավլովսկը և Ուստ-Կամչատսկը։ Ուղևորների փոխադրումը հիմնականում կատարվում է օդային տրանսպորտով։
Նավարկելի է Կամչատկա գետը։
Վիքիպահեստն ունի նյութեր, որոնք վերաբերում են «Կամչատկայի մարզ» հոդվածին։ |
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 209)։ |
This article uses material from the Wikipedia Հայերեն article Կամչատկայի մարզ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.