Էլիզաբեթ Անդրեասսեն (մարտի 28, 1958(1958-03-28), Գյոթեբորգ), հայտնի է նաև Բեթթան անունով, շվեդ-նորվեգացի երգչուհի, ով մասնակցել է նաև Եվրատեսիլ երգի մրցույթին։
Էլիզաբեթ Անդրեասսեն | |
---|---|
Ի ծնե անուն | շվեդ.՝ Elisabeth Gunilla Andreasson |
Ծնվել է | մարտի 28, 1958 (66 տարեկան) Գյոթեբորգ |
Երկիր | Նորվեգիա |
Ժանրեր | Քանթրի |
Մասնագիտություն | քանթրի երգիչ, դաշնակահարուհի, կիթառահար, ստուդիական երաժիշտ, schlager singer, ռոք երգիչ և Ժողովրդական երգիչ |
Գործիքներ | կիթառ, դաշնամուր և վոկալ |
Լեյբլ | Grappa? |
Անդամակցություն | Chips?, Bobbysocks և Kikki, Bettan & Lotta? |
Կայք | bettan.no |
Elisabeth Andreassen Վիքիպահեստում |
Էլիզաբեթի տաղանդը բացահայտել է շվեդ երաժիշտ և հեռուստահաղորդավար Լասսե Հոլմը 1979 թվականին։ Նրա պրոդյուսերը «Mariann Grammofon AB» ընկերության հիմնադիր Բերթ Կառլսոնն էր։ 1980 թվականին Էլիզաբեթը միացավ Լասսեի խմբին՝ «Chips»-ին, որը «Dag efter dag» (անգլ.՝ «Day After Day») երգով մասնակցեց Եվրատեսիլ 1982 երգի մրցույթին՝ զբաղեցնելով 8-րդ հորիզոնականը։
Անդրեասսենը հանդես է գալիս երաժշտական տարբեր ոճերում՝ քանթրի, շլագեր, մյուզիքլ, փոփ, ռոք։ Նվագում է երեք երաժշտական գործիքի վրա՝ կիթառ, դաշնամուր և կոնտրաբաս։ Նա առավել հայտնի դարձավ Եվրատեսիլ 1985 երգի մրցույթից հետո, որտեղ Հաննե Քրոգի հետ միասին հանդես եկավ որպես «Bobbysocks»: Նրանք ներկայացան «La det swinge» երգով և հաղթեցին։
Բեթանը ռեկորդ է սահմանել՝ որպես Եվրատեսիլին ամենաշատը մասնակցած կին մասնակից Լիզ Ասսիայի, Պիտեր, Սյու և Մարկի և Վալենտինա Մոնեթայի հետ միասին։ Նա մասնակցել է չորս անգամ, որից երեք անգամը զուգերգով (1982 թվականին Կիկի Դանիելսոնի հետ, 1985 թվականին Հաննե Կրոխի հետ և 1994 թվականին Ժան Վերներ Դանիելսենի հետ) և մեկ անգամ միայնակ (1996)։
Էլիզաբեթ Անդրեասսենը ծնվել է 1958 թվականի մարտի 28-ին Գյոթեբորգում (Շվեդիա) նորվեգացի ծնողների ընտանիքում։ Ներկայումս ապրում է Օսլոյի Ուլլերն բնակավայրում իր երկու դուստրերի հետ, որոնք ծնվել են, համապատասխանաբար, 1995 և 1997 թվականներին։ 1994 թվականի հուլիսի 2-ին Էլիզաբեթն ամուսնացել է Թոր Անդրեասսենի հետ, մինչ այդ հայտնի էր իբրև Էլիզաբեթ Անդրեասսոն։ 2016 թվականի հունիսի 13-ին ամուսինը մահացել է սրտի կաթվածից։
Ընդհանուր առմամբ Էլիզաբեթը մասնակցել է շվեդական Մելոդիֆեստիվալենին, նորվեգական Երաժշտության գրան պրիին և Եվրատեսիլ երգի մրցույթին տասնվեց անգամ և երկու անգամ որպես հաղորդավար։
Վիքիպահեստն ունի նյութեր, որոնք վերաբերում են «Էլիզաբեթ Անդրեասսեն» հոդվածին։ |
This article uses material from the Wikipedia Հայերեն article Էլիզաբեթ Անդրեասսեն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.