Գվիդո Գանյաչի
Գվիդո Գանյաչի, (իտալ.՝ Guido Cagnacci, հունվարի 19, 1601(1601-01-19), Սանտարկանջելո դի Ռոմանիա, Ռիմինի, Էմիլիա Ռոմանիա - 1663, Վիեննա, Հաբսբուրգի միապետություն), իտալացի ուշ բարոկկո ժամանակաշրջանի նկարիչ, պատկանել է ֆորլիյան և բոլոնյան գեղարվեստի դպրոցներին։
Գվիդո Գանյաչի իտալ.՝ Guido Cagnacci | |
|---|---|
| Ծնվել է | հունվարի 19, 1601[…] |
| Ծննդավայր | Սանտարկանջելո դի Ռոմանիա, Ռիմինի, Էմիլիա Ռոմանիա |
| Վախճանվել է | 1663[…] |
| Մահվան վայր | Վիեննա, Հաբսբուրգի միապետություն |
| Քաղաքացիություն | Իտալիա |
| Մասնագիտություն | նկարիչ |
| Ուշագրավ աշխատանքներ | Կլեոպատրայի մահը և Կլեոպատրայի մահը |
 Guido Cagnacci Վիքիպահեստում | |
Կենսագրություն
Ծնվել է Ռիմինի քաղաքի մոտ գտնվող Սանտարկաջելո դի Ռոմանիա ավանում։ Հայտնի չէ, թե ով է եղել նրա առաջին ուսուցիչը։ Գեղանկարչություն սովորել է Բոլոնիայում 1618 - 1621 թթ., ըստ երևույթին Լոդովիկո Կարաչիի կամ նրա աշակերտների մոտ։ Հետո սովորել է Հռոմում (1621 - 1622 թթ.) Ջիովաննի Ֆրանչեսկո Բարբիերիմոտ, Հռոմում ծանոթանում է իր ժամանակակից նկարիչների Գվիդո Ռենիի ու Սիմոն Վուեի հետ։ 1627 թվականից աշխատում է Ռիմինիում, մեկ տարի անց, 1628 թվականին փորձում է փախչել հանգուցյալ արիստոկրատ Թեոդոր Ստիվավիի այրու հետ, որի ազգականների համաձայն չէին նրանց ամուսնությանը։ Այս անհաջող փորձից հետո Գվիդո Գանյաչին ստիպված է լինում լքել քաղաքը։ Ռիմինի է վերադառնում 1631 թ., և աշխատում այնտեղ մինչև 1642 թ., այդ ժամանակահատվածում նրա աշխատանքների վրա նկատվում է Կարավաջոյի ազդեցությունը։ Ռիմինիից հետո մեկնում է Ֆորլի, որտեղ ուսանում է Մելոցո դե Ֆորլիի մոտ։ 1650 թ. նա մեկնում է Վենետիկ, որտեղ ծանոթանում է Նիկոլաս Ռենիրիի հետ։ 1658 թ. գնում է Վիեննա, այնտեղ նրան հովանավորում է Լեոպոլդ I կայսրը։ Մահացել է Վիեննայում 1663 թվականին։
Ստեղծագործությունը
Սկզբում նա նկարում է հոգևոր թեմատիկայով, բայց Վենետիկում Նիկոլաս Ռենիրիի հետ ծանոթանալուց հետո, նրա ստեղծագործություններում զգացմունքային, մերկ մարմիններ պատկերող տեսարաններն հաճախակի են դառնում, ինչպիսիք են՝ Լուկրեցիան, Կլեոպատրան, Մարիամ Մագդաղենացին և այն։ Գանյաչիի ստեղծագործությունը իր ժամանակակիցների համար անհասկանալի էին, սակայն այժմյան քննադատների կողմից այն արժանանում է բարձր գնահատականի։
Ծանոթագրություն
Արտաքին հղումներ
- «Լուկրեցիան» վաստակեց մեկուկես միլիոն եվրո (ռուս.)
- Գվիդո Գանյաչի. XVII դարի հերոս՝ Կարավաջոյի և Ռենիի միջև Արխիվացված 2008-04-12 Wayback Machine (ռուս.)
- Գվիդո Գանյաչի(1601 — 1663)՝ Իտալացի նկարիչ (անգլ.)
- Գվիդո Գանյաչի։ Արվեստի հանրագիտարան (անգլ.)
 | Վիքիպահեստն ունի նյութեր, որոնք վերաբերում են «Գվիդո Գանյաչի» հոդվածին։ |
This article uses material from the Wikipedia Հայերեն article Գվիդո Գանյաչի, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.