Բորնմութ
Բորնմութ (անգլ.՝ Bournemouth.
անգլերեն արտասանությամբ՝ [ˈbɔːrnməθ]), քաղաք Անգլիայում՝ Դորսեթ արարողակարգային (ցերեմոնիալ) կոմսությունում, Լա Մանշի ափին։ Արևմուտքից սահմանակից է Փուլին։ Առողջարանային քաղաք է, լոնդոնցիների սիրած հանգստավայրերից մեկը։ Անվանման թարգմանությունն է՝ «Բորնի գետաբերան» (Բորնը քաղաքի միջով անցնող և Լա Մանշ թափվող գետակի անունն է)։ Բորմութի զբաղեցրած տարածքը քառակուսի կիլոմետր է, բնակչության թվաքանակը 2001 թվականի տվյալներով՝ 167 527, 2004 թվականի տվյալներով՝ 163,5 հազար։ «Բորնմութ, Քրայստչըրչ և Փուլ» ունիտար միավորի վարչական կենտրոնն է։
| Բնակավայր | |||
|---|---|---|---|
| Բորնմութ | |||
| անգլ.՝ Bournemouth | |||
| |||
 | |||
| Երկիր | .svg){kind=small} Միացյալ Թագավորություն | ||
| Հիմնադրված է | 1810 թ. | ||
| Մակերես | 46,18 կմ² | ||
| Բնակչություն | 187 503 մարդ (2011) | ||
| Ժամային գոտի | UTC+0 | ||
| Հեռախոսային կոդ | 01202 | ||
| Պաշտոնական կայք | bournemouth.gov.uk | ||
| |||
Տեղի լողափերի և գեղատեսիլ բնության գրավչությունն առաջինը նկատել ու գնահատել է դորսեթցի կալվածատեր Թրեգոնուելը, ով 1810 թվականին ամառանոց է կառուցել այստեղ։ Երեք տասնամյակ անց տեղի տնային տնտեսությունների թիվը հասել է 26-ի։ 1870 թվականին երկաթուղին հասել է Բորնմութ՝ հեշտացնելով լոնդոնցիների այցելությունները։ Առողջավայրը լայն ժողովրդականություն է վայելում հատկապես թոշակառուների շրջանում։ Մասնավորապես՝ այստեղ է կյանքի վերջին ժրջանն անցկացրել և մահկանացուն կնքել նշանավոր գրող Ջոն Ռոնալդ Ռուել Թոլքինը։
Քաղաքում ստեղծված հարմարություններից օգտվելով՝ այստեղ հաճախ են անցկացնում բարձր մակարդակի խորհրդակցություններ, վեհաժողովներ, համագումարներ։ Գործում է միջազգային օդանավակայանը։ 1992 թվականին հանդիսավորությամբ բացվել է համալսարանը։ Բորնմութի թիմը հանդես է գալիս Անգլիայի ֆուտբոլի բարձրագույն խմբի առաջնությունում։
Քաղաքի կենտրոնն աչքի է ընկնում Վիկտորյա թագուհու ժամանակաշրջանի ճարտարապետական հուշարձաններով։ Ուշադրություն է գրավում հատկապես Սուրբ Պետրոս եկեղեցու 202 ոտնաչափ (62 մետր) բարձրությամբ սրածայր գմբեթը։ Բորնմութ այցելող զբոսաշրջիկների թիվն անընդհատ ավելացել է՝ հասնելով տարեկան ավելի քան հինգ միլիոնի։ Հանգստացողներին գրավում են ոչ միայն տեսարժան վայրերը, այլև լողափերը, գիշերային աշխույժ կյանքը։ Քաղաքը միաժամանակ համբավվել է որպես տարածաշրջանային գործարար կենտրոն, որտեղ գործում են Բորնմութի միջազգային կենտրոնը, ֆինանսական սեկտորը, որն ապահովում է ավելի քան մեկ միլիարդ ֆունտ սթեռլինգ համախառն հավելյալ արժեք։
Տեսարժան վայրեր
- «Բորնմութ» լողափը
- Արվեստների թանգարանն ու պատկերասրահը
- Hengistbury Head Beach (լողափ)
- Alum Chine Beach (լողափ)
- Lower Gardens (զբոսայգի)
- Օվկիանոսարիումը
- Southbourne Beach (լողափ)
- Բորնմութի ժամանցի (զվարճանքների) կենտրոնը
- Boscombe Pier (Բոսքոմբ նավամատույցը)
- Բորնմութի նավամատույցը
Կլիմա
Ինչպես ողջ Մեծ Բրիտանիան, Բորնմութն էլ ունի չափավոր օվկիանոսային կլիմա՝ տարեկան և օրական ջերմաստիճանների ոչ կտրուկ, սահուն անցումներով, մեղմ ամառներով ու զով ձմեռներով։ 1991-ից մինչև 2020 թվականը օդի տարեկան միջին ջերմաստիճանը եղել է 10–11 °C (50–52 °F), ամենատաք ամիսները՝ հուլիսն ու օգոստոսը՝ 12–22 °C (54–72 °F), առավել զով ամիսները՝ հունվարն ու փետրվարը՝ 2–9 °C (36–48 °F): Տեղումների (անձրևների) տարեկան միջին քանակը մոտավորապես 34.4 inches (875 mm) է՝ երկրի միջին ցուցանիշից (45.8 inches (1,163 mm)) բավականին պակաս։ Օդի միջին ջերմաստիճանի վրա զգալի ազդեցություն է թողել քաղաքի ծովափնյա դիրքը։ 1960 թվականից ի վեր օդի ջերմաստիճանի առավելագույն և նվազագույն ցուցանիշները եղել են համապատասխանաբար 34.1 °C (93.4 °F)-ը, որ արձանագրվել է 1990 թվականի օգոստոսին և −13.4 °C (7.9 °F)-ը, որ արձանագրվել է 1963 թվականի հունվարին։ Վերջին տարիներին գրանցված ամենացածր ջերմաստիճանը եղել է −10.4 °C (13.3 °F)-ը (2010 թվականի դեկտեմբեր ամսին)։ Փետրվարի ամենաբարձր ջերմաստիճանային ռեկորդը գերազանցվել է 2019 թվականին, երբ արձանագրվել է 17.8C.:
| Բորնմութի օդանավակայան 33 feet (10 metres) asl, 1991–2020,efnի կլիմայական տվյալները | |||||||||||||
|---|---|---|---|---|---|---|---|---|---|---|---|---|---|
| Ամիս | հունվ | փետ | մարտ | ապր | մայ | հուն | հուլ | օգոս | սեպ | հոկ | նոյ | դեկ | Տարի |
| Ռեկորդային բարձր °C (°F) | 14.7 (58.5) | 17.8 (64) | 21.0 (69.8) | 25.0 (77) | 27.6 (81.7) | 33.8 (92.8) | 33.9 (93) | 34.1 (93.4) | 27.9 (82.2) | 25.2 (77.4) | 19.8 (67.6) | 16.0 (60.8) | 34.1 (93.4) |
| Միջին բարձր °C (°F) | 8.7 (47.7) | 9.1 (48.4) | 11.4 (52.5) | 14.2 (57.6) | 17.4 (63.3) | 20.1 (68.2) | 22.2 (72) | 22.0 (71.6) | 19.6 (67.3) | 15.6 (60.1) | 11.8 (53.2) | 9.2 (48.6) | 15.11 (59.21) |
| Միջին օրական °C (°F) | 5.3 (41.5) | 5.4 (41.7) | 7.1 (44.8) | 9.3 (48.7) | 12.4 (54.3) | 15.2 (59.4) | 17.2 (63) | 17.0 (62.6) | 14.6 (58.3) | 11.5 (52.7) | 8.0 (46.4) | 5.6 (42.1) | 10.72 (51.29) |
| Միջին ցածր °C (°F) | 1.8 (35.2) | 1.6 (34.9) | 2.8 (37) | 4.3 (39.7) | 7.3 (45.1) | 10.2 (50.4) | 12.1 (53.8) | 12.0 (53.6) | 9.6 (49.3) | 7.4 (45.3) | 4.1 (39.4) | 2.0 (35.6) | 6.27 (43.28) |
| Ռեկորդային ցածր °C (°F) | −13.4 (7.9) | −10.9 (12.4) | −10.2 (13.6) | −5.7 (21.7) | −3.6 (25.5) | 0.4 (32.7) | 2.6 (36.7) | 2.1 (35.8) | −1.4 (29.5) | −6.4 (20.5) | −9.6 (14.7) | −10.5 (13.1) | −13.4 (7.9) |
| Անձրևի տեղումներ մմ (դյույմ) | 96.0 (3.78) | 67.2 (2.646) | 62.4 (2.457) | 57.9 (2.28) | 49.0 (1.929) | 53.4 (2.102) | 49.5 (1.949) | 59.6 (2.346) | 69.3 (2.728) | 100.7 (3.965) | 107.6 (4.236) | 104.2 (4.102) | 876.8 (34.52) |
| Միջ. անձրևոտ օրեր | 13.3 | 10.7 | 10.1 | 9.5 | 8.2 | 8.0 | 8.0 | 8.1 | 9.5 | 12.7 | 13.6 | 13.5 | 125.2 |
| Միջին ամսական արևային ժամ | 67.2 | 83.7 | 127.5 | 187.9 | 222.7 | 230.4 | 234.3 | 208.5 | 163.5 | 113.0 | 78.9 | 61.1 | 1778,7 |
| Աղբյուր #1: Met Office | |||||||||||||
| Աղբյուր #2: November record high | |||||||||||||
| Հունվ. | Փետրվ. | Մարտ | Ապր. | Մայ. | Հուն. | Հուլ. | Օգ. | Սեպտ | Հոկտ. | Նոյ. | Դեկտ. | Տարեկան |
|---|---|---|---|---|---|---|---|---|---|---|---|---|
| 9.6 °C (49.3 °F) | 9.1 °C (48.4 °F) | 8.7 °C (47.7 °F) | 9.9 °C (49.8 °F) | 11.4 °C (52.5 °F) | 13.4 °C (56.1 °F) | 15.2 °C (59.4 °F) | 16.6 °C (61.9 °F) | 17.3 °C (63.1 °F) | 16.2 °C (61.2 °F) | 14.3 °C (57.7 °F) | 11.8 °C (53.2 °F) | 12.8 °C (55.0 °F) |
Քույր քաղաքներ
Բորնմութի քույր քաղաքներն են՝
Պատկերասրահ
-
Քաղաքապետարանը -
«Բորնմութ» լողափն ու Բոսքոմբ նավամատույցը -
Բոսքոմբ նավամատույցի մուտքը -
Ֆինանսական ծառայությունների շենքը -
«Բորնմութ» միջազգային կենտրոնը -
Տեսարան քաղաքի կենտրոնից -
Սուրբծննդյան շուկան. 2019 թ. -
Սբ. Պետրոս եկեղեցին -
Deancourt մարզադաշտը -
Երկաթուղային կայարանը (կառուցվել է 1885 թ.) -
Բորնմութի քոլեջի «Լանսդաուն» կամպուսը -
Սբ. Ստեփանոս եկեղեցին (կառուցվել է 1898 թ.) -
-
Ծովափնյա կինոթատրոնն ու ժամանցային կենտրոնը -
Շելլիների տոհմի անդամների աճյունների հանգստարանի մասին հիշատակող հուշատախտակը Սուրբ Պետորս եկեղեցու պատին
Ծանոթագրություններ
Գրականություն
- Andrews, Ian; Henson, Frank (2004). Images of England – Bournemouth. Stroud, Glos: Tempus Publishing Ltd. ISBN 0-7524-3065-3.
- Ashley, Harry W.; Ashley, Hugh (1990). Bournemouth 1890–1990 (a brief history of Bournemouth over the last 100 years). Bournemouth: Bournemouth Borough Council.
- Cave, Paul (1986). A History of the Resort of Bournemouth. Southampton: Paul Cave Publications Ltd. ISBN 0-86146-039-1.
- Edwards, Elizabeth (1981). A History of Bournemouth. Chichester: Phillimore & Co Ltd. ISBN 0-85033-412-8.
- Emery, Andrew (2008). A History of Bournemouth Seafront. Stroud, Glos: Tempus Publishing Ltd. ISBN 978-0-7524-4717-9.
- Rawlings, Keith (2005). Just Bournemouth. Wimborne: Dovecote Press. ISBN 1-904349-39-0.
Արտաքին հղումներ
 | Վիքիպահեստն ունի նյութեր, որոնք վերաբերում են «Բորնմութ» հոդվածին։ |
This article uses material from the Wikipedia Հայերեն article Բորնմութ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.