Անրի Ֆանտեն Լատուր (ֆր.՝ Henri Fantin-Latour հունվարի 25, 1836(1836-01-25), Գրենոբլ, Իզեր, Ֆրանսիա - օգոստոսի 25, 1904(1904-08-25), Բյուրե, Օրն, Ֆրանսիա), ֆրանսիացի նկարիչ, վիմագրող։
Անրի Ֆանտեն Լատուր ֆր.՝ Henri Fantin-Latour | |
---|---|
Ծնվել է | հունվարի 25, 1836[…] |
Ծննդավայր | Գրենոբլ, Իզեր, Ֆրանսիա |
Մահացել է | օգոստոսի 25, 1904[…] (68 տարեկան) |
Մահվան վայր | Բյուրե, Օրն, Ֆրանսիա |
Գերեզման | Մոնպարնաս գերեզմանատուն |
Քաղաքացիություն | Ֆրանսիա |
Կրթություն | Փարիզի Գեղեցիկ արվեստների ազգային բարձրագույն դպրոց և Զարդարվեստի բարձրագույն ազգային դպրոց |
Ազդվել է | Ռեմբրանդտ վան Ռեյն և Պաոլո Վերոնեզե |
Երկեր | The Reading?, A Studio at Les Batignolles? և Un coin de table? |
Մասնագիտություն | նկարիչ, ծաղիկներ պատկերազարդող, վիմագրող, գծանկարիչ և նկարիչ-փորագրող |
Ամուսին | Victoria Dubourg? |
Ծնողներ | հայր՝ Théodore Fantin-Latour? |
Անդամություն | Groupe des Batignolles? և Société du Jing-lar? |
Henri Fantin-Latour Վիքիպահեստում |
Անրիի մայրը՝ Ելենա Նայդենովան (1814 Օրյոլ - 1867 Փարիզ) եղել է գծանկարիչ Ելենա Ալեքսեևնայի (1787-1869) որդեգրած դուստրը։ Անրին ուներ երկու քույր՝ Նատալին (1838-1903) և Մարի-Լուիզ-Էլենը (1837-1901)՝ Վասիլի Իվանովիչ Յանովսկու կինը։ Նկարչության առաջին ուսուցիչը եղել է հայրը՝ Թեոդոր Ֆանտեն-Լատուրը, այնուհետև Օրաս Լեկոկ դե Բուաբոդրանը։ 1854 թվականից Ֆանտեն-Լատուրը սովորել է Փարիզի Գեղեցիկ արվեստների ազգային բարձրագույն դպրոցում։ 1859 թվականին նա ծանոթացել է Գյուստավ Կուրբեի հետ, որի արվեստանոցում նա աշխատել է երկու տարի։ 1863 թվականից նա արդեն դասվում էր այն նկարիչների շարքին, որոնց աշխատանքները ցուցադրվում էին Մերժվածների սալոնում և Փարիզյան սալոնում։
Չնայած նրա ժամանակակիցները իմպրեսիոնիստներ էին, սակայն նա հավատարիմ մնաց ռեալիզմի գաղափարներին։ Ֆանտեն-Լատուրը հայտնի է իր գունեղ նատյուրմորտներով և խմբակային դիմանկարներով, որտեղ պատկերում էր այդ տարիներին հայտնի ֆրանսիացի գրողներին, նկարիչներին և իր ընկերներին։ Նրան են պատկանում «Դելակրուայի հիշատակին», «Բատինյոլեի արվեստանոցում», «Սեղանի անկյունը» ստեղծագործությունները։
Իր դերն է ունեցել սիմվոլիզմի զարգացման մեջ։ Միաժամանակ նա հայտնի է նաև որպես վիմագրող։
1876 թվականին ամուսնացել է նկարիչ Վիկտորիա Դյուբուրժի հետ։ Դրանից հետո նա ամառները անց է կացրել կնոջ հետ Նորմանդիայում, որտեղ էլ մահացել է 1904 թվականին։ Ֆանտեն-Լատուրի աճյունը ամփոփված է Մոնպարնասի գերեզմանատանը։
Վիքիպահեստն ունի նյութեր, որոնք վերաբերում են «Անրի Ֆանտեն Լատուր» հոդվածին։ |
This article uses material from the Wikipedia Հայերեն article Անրի Ֆանտեն Լատուր, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.