Zuzana Čaputová: Słowakska politikarka, statna prezidentka
Zuzana Čaputová (rodź.
Strapáková; * 21. junija 1973 w Bratisławje) je słowakska juristka, přirodna aktiwistka a socialnoliberalna politikarka. Něhdyša zastupowaca předsydka hibanja Progresívne Slovensko doby prezidentowe wólby lěta 2019 a je wot 15. junija 2019 amtěrowaca prezidentka Słowakskeje.
Po zakónčenju studija prawnistwa při uniwersiće Komenskeho w Bratisławje w lěće 1996 dźěłaše Čaputová někotre lěta w regionalnym zarjedźe městačka Pezinok, najprjedy w prawniskim wotrjedźe a pozdźišo we wodźacej skupinje měšćanskeho zarjadnistwa. W lěće 2010 załoži prawiznisku kencliju. W Pezinoku angažowaše so wona přećiwo strowoće škodźacemu smjećišću. Nimo toho wojowaše přećiwo wot ministerskeho prezidenta Vladimíra Mečiara přesadźenym amnestijam.
Jako politikarka zasadźuje so za prawa mjeńšinow kaž Romow abo Madźarow kaž tež za prawo na adopciju za jenakosplažne poriki. K jeje programej słuša tež bój přećiwo korupciji. Nimo toho angažowaše so za wujasnjenje mordarstwa žurnalista Jána Kuciaka a jeho partnerki w lěće 2018. Čaputová zastupuje jasne pro-europske pozicije.
Wotkaz
Commons: Zuzana Čaputová – Zběrka wobrazow, widejow a awdiodatajow- Webstrona Zuzany Čaputoveje (słowaksce, madźarsce)
Alexander Van der Bellen (Awstriska) | Philippe (Belgiska) | Rumen Radew (Bołharska) | Nikos Anastasiadis (Cypernska) | Petr Pavel (Čěska) | Frederik X. (Danska) | Alar Karis (Estiska) | Sauli Niinistö (Finska) | Emmanuel Macron (Francoska) | Katerina Sakellaropoulou (Grjekska) | Zoran Milanović (Chorwatska) | Michael D. Higgins (Irska) | Sergio Mattarella (Italska) | Edgars Rinkēvičs (Letiska) | Gitanas Nausėda (Litawska) | Henri (Luxemburgska) | Tamás Sulyok (Madźarska) | George Vella (Malta) | Frank-Walter Steinmeier (Němska) | Willem-Alexander (Nižozemska) | Andrzej Duda (Pólska) | Marcelo Rebelo de Sousa (Portugalska) | Klaus Johannis (Rumunska) | Zuzana Čaputová (Słowakska) | Borut Pahor (Słowjenska) | Felipe VI. (Španiska) | Carl XVI. Gustaf (Šwedska)
This article uses material from the Wikipedia Hornjoserbsce article Zuzana Čaputová, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.