Walter Wenzel (* 20.
januara">20. januara 1929 w Hermsdorfje, wokrjes Litomeřice, ČSR) je němski rěčespytnik, mjenowědnik a emeritowany profesor za stawizny słowjanskeje rěče a mjenowědy na Lipšćanskej uniwersiće. Jeho akademiski titul je prof. dr. phil. habil.
Wón wosebje přepytuje a wuči stawizny słowjanskeje rěče a mjenowědu, fonetiku, fonologiju, linguistiku interferencu, słowjanske mjena w němskej rěči, serbske městnostne mjena, stawizny serbskich sydlišćow a metodiku.
Jeho staršej Ernst Wenzel a Emilie Wenzel, rodźena Wünsch běštaj buraj, jeho konfesija njeje znata. Wot 1935 do1940 wopyta Walter Wenzel ludowu šulu w Hermanecach, potom wot 1940 do 1943 srjedźnu šulu w Horním Policewje w Čechach. Wot 1943 do 1944 wopyta wón wikowansku wyšu šulu w Jablonecach nad Nisou w Čechach.
Wot 1944 do1945 bu zawjazany k słužbje w brónjenskim zawodźe w Jablonecach nad Nisou. Wot 1946 do 1949 wopyta wón wyšu šulu w Goće. Tam absolowaše wón tež abituru. Wot 1949 do 1953 studowaše slawistiku (rušćinu a čěšćinu) na Lipšćanskej uniwersiće a jako pódlanski předmjet anglistiku a pedagogiku na filozofiskim instituće. 24.7.1953 wón statny eksamen docpě.
Wot 1953 do 1954 bě lektor za rušćinu we wotrjedźe za rěčnu wučbu na Karla Marksowej universiće w Lipsku, wot 1954 do 1965 lektor za rušćinu na Słowjanskim instituće, wot 1965 do 1969 bě lektor za rušćinu we wotrjedźe za wučbu rušćiny na Słowjanskim instituće, wot 1969 do 1980 dźěłaše jako lektor za rušćinu na tamnišim Słowjanskim instituće. Wot 1961 do 1988 nawjedowaše lektorat za rusku rěč.
Wot 1954 do 1969 dźěłaše wón na uniwersiće Lipsku na filozofiskej fakulće w Słowjanskim instituće, wot 1969 do 1990 na fakulće za rěčespyt, kulturje a woćehnjenju wěda we sekciji TAS ( „Theoretische und Angewandte Sprachwissenschaft“). 1990 změni wón do wobłuka slawistiki. Wot 1993 do 1994 dźěłaše wón zaso na filologiskej fakulće na instituće za slawistiku.
01.02.1980 bu Wenzel powołany na docenta za stawizny ruskeje rěče na Karla Marksowej uniwersiće w Lipsku. Wot 1980 do 1990 bě z docentom za stawizny ruskeje rěče w Lipsku.15.9.1990 buWenzel na profesora nimoměry za stawizny ruskeje rěče powołany.Wot 1990 do 1994 bě z profesorom nimoměry za stawizny ruskeje rěče w Lipsku.
W januarje lěta 1994 poda so na wuměnk. Čas žiwjenja zaběraše so Wenzel z městnostnymi a wosobowymi mjenami w słowjansko-němskim rumje, wosebje tež w serbskim konteksće.
15.12. 1960 jako dr. phil. na Słowjanskim instituće na Karla Marksowej uniwersiće w Lipsku promowowaše z dźěłom wo městnostnych mjenach Świdničanskeho kraja w Šleskej.
Posudźowarjej běštaj prof. dr. phil. habil. Rudolf Fischer a prof. dr. phil. Elisabeth Karg-Gasterstädt.
Wučbnu kwalifikaciju (Facultas docendi) dósta Wenzel 11.03.1977 we wotrjedźe za ruske rěče.
Habilitowaše (promocija B) dóńdźe 04.07.1979 za Dr. sc. Phil. Tema bě "Studien zur sorbischen Anthroponymie nach Quellen des 14. bis 18. Jahrhunderts aus dem deutsch-slawischen Sprachkontaktraum an der Schwarzen Elster".
Wot 01.11.1991 je Walter Wenzel Dr. phil. habil.
This article uses material from the Wikipedia Hornjoserbsce article Walter Wenzel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.