Oblasć Kijew: Oblasć (wobwod) na Ukrainje
Oblasć Kijew abo Kijewska oblasć (ukrainsce Київська область/Kyjiwska oblast) je oblasć na sewjeru Ukrainy, kołowokoło města Kijewa, krajneje stolicy.
Stolica sama njesłuša do oblasće, je pak jeje zarjadniske sydło. Kijewska oblasć ma něhdźe 2,7 milionow wobydlerjow na přestrjeni wot 28.100 kwadratnych kilometrow.
| Київська область (uk.) | |||
|---|---|---|---|
| |||
| Zakładne daty | |||
| přestrjeń | 28.131 km² | ||
| wobydlerstwo | 1.729.192 (2015) | ||
| hustosć zasydlenja | 61 wob./km² | ||
| stolica | Kijew | ||
 | |||
| awtowa značka | AI | ||
| webstrona | kor.gov.ua | ||
Geografija
Oblasć mjezuje z Běłoruskej na sewjeru. Susodne ukrainske oblasće su Černihiwska na sewjerowuchodźe, Čerkaska na juhu, oblasć Winnycja na samym juhozapadźe a Žytomyrska oblasć na zapadźe.
Najwažniže rěki na teritoriju oblasće su z Běłoruskeje pochadźacy Dnjepr a jeho přitokaj Pripjat (wotlěwa) a Desna (wotprawa). Sewjernje Kijewa twori Dnjepr wulki spjaty jězor, tak mjenowane Kijewske morjo.
Wulke kónčiny na sewjeru Kijewskeje oblasće – we wokolinje něhdyšich městow Čornobyl a Prypjat – su wot jadroweje katastrofy w Černobylskej atomowej milinarni dnja 26. apryla 1986 zawrjene pasma.
Z wulkim wotstawkom najwjetše město je Bila Cerkwa južnje Kijewa.
Zarjadnistwo
Oblasć Kijew wobsteji z 25 rajonow a dwanaće městow, kotrež podsteja bjezposrědnje zarjadnistwu oblasće. To su města:
Wobydlerstwo
Wjace hač 90 % wobydlerjow Kijewskeje oblasće su Ukrainjenjo. Ruska mjeńšina wučini někak šěsć procentow.
| narodnosć | wobydlerjo | 1989 (%) | 2001 (%) | změna (%) |
|---|---|---|---|---|
| Ukrainjenjo | 1.684.800 | 89,4 | 92,5 | −2,6 % |
| Rusojo | 109.300 | 8,7 | 6,0 | −34,9 % |
| Běłorusojo | 8.600 | 0,6 | 0,5 | −28,2 % |
| Polacy | 2.800 | 0,3 | 0,2 | −44,3 % |
| maćeršćina | 1989 (%) | 2001 (%) |
|---|---|---|
| ukrainšćina | 88,4 | 92,3 |
| rušćina | 10,9 | 7,2 |
Žórła
Wotkaz
Commons: Oblasć Kijew – Zběrka wobrazow, widejow a awdiodatajow
Čerkasy • Černihiw • Černiwci • Dnipropetrowsk • Donjeck • Charkiw • Cherson • Chmelnyckyj • Iwano-Frankiwsk • Kijew • Kirowohrad • Luhansk • Lwów • Mykolajiw • Odesa • Poltawa • Riwne • Sumy • Ternopil • Winnycja • Wołynska • Zakarpatska • Zaporižžja • Žytomyr
This article uses material from the Wikipedia Hornjoserbsce article Oblasć Kijew, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.