Oblasć Černiwci: Oblasć (wobwod) na Ukrainje
Oblasć Černiwci (ukrainsce Чернівецька область/Černiwecka oblast) je oblasć na juhozapadźe Ukrainy.
Stolica a zdobom najwjetše město je Černiwci. Oblasć ma něhdźe 900.000 wobydlerjow na přestrjeni wot 8.000 kwadratnych kilometrow a je tuž jedna z najmjeńšich w Ukrainje. Zapadny dźěl oblasće słuša do historiskeho regiona Bukowiny, wuchodny dźěl do Bessarabskeje.
| Чернівецька область (uk.) | |||
|---|---|---|---|
| |||
| Zakładne daty | |||
| přestrjeń | 8.097 km² | ||
| wobydlerstwo | 908.500 (2014) | ||
| hustosć zasydlenja | 112 wob./km² | ||
| stolica | Černiwci | ||
 | |||
| awtowa značka | CE | ||
| webstrona | oda.cv.ua | ||
Geografija
Oblasć mjezuje z Rumunskej na juhu a z Moldawskej na juhowuchodźe. Susodne oblasće su Iwanofrankiwska na zapadźe, oblasći Ternopil a Chmelnyckyj na sewjeru kaž tež oblasć Winnycja na samym wuchodźe.
Najwažnišej rěce na teritoriju oblasće stej Dnjestr, kotryž twori sewjernu hranicu, a Prut, kotryž přińdźe z Karpatow a ćeče dale do Rumunskeje.
Zarjadnistwo
Oblasć Černiwci wobsteji z jednaće rajonow a dweju městow, kotrejž podstejitej bjezposrědnje zarjadnistwu oblasće, Černiwci a Nowodnistrowsk. Dalšej wjetšej měsće stej Storožynec a Chotyn.
Stawizny
W srjedźowěku słušeše cyły teritorij dźensnišeje oblasće do Moldawskeho wjerchowstwa. Chotyn při Dnjestrje bě jedne z najwažnišich přimjeznych twjerdźiznow Moldawskeje na sewjeru. W lěće 1775 přińdźe Bukowina pod rakusku kontrolu; Besarabiska słušeše wot lěta 1812 do Ruskeho carstwa. Mjez swětowymaj wójnomaj bě cyły teritorij dźěl Rumunskeje a bu 1940 wot sowjetskeho wójska wobsadźene.
Wobydlerstwo
Oblasć Černiwci ma sylnu rumunskorěčnu mjeńšinu (Rumunojo a Moldawčenjo), kotraž wučini někak pjećinu cyłkowneho wobydlerstwa. Hač do holocausta bydlachu na teritoriju nimo toho wjele Židow.
| narodnosć | wobydlerjo | 1989 (%) | 2001 (%) | změna (%) |
|---|---|---|---|---|
| Ukrainjenjo | 689.100 | 70,8 | 75,0 | +3,4 % |
| Rumunojo | 114.600 | 10,7 | 12,5 | +14,2 % |
| Moldawčenjo | 67.200 | 9,0 | 7,3 | −20,5 % |
| Rusojo | 37.900 | 6,7 | 4,1 | −39,9 % |
| Polacy | 3.300 | 0,5 | 0,4 | −28,4 % |
| Běłorusojo | 1.400 | 0,3 | 0,2 | −48,2 % |
| Židojo | 1.400 | 1,8 | 0,2 | −91,2 % |
| maćeršćina | 2001 (%) |
|---|---|
| ukrainšćina | 75,6 |
| rušćina | 5,3 |
| druhe (n. př. rumunšćina) | 19,1 |
Žórła
Wotkaz
Commons: Oblasć Černiwci – Zběrka wobrazow, widejow a awdiodatajow
Čerkasy • Černihiw • Černiwci • Dnipropetrowsk • Donjeck • Charkiw • Cherson • Chmelnyckyj • Iwano-Frankiwsk • Kijew • Kirowohrad • Luhansk • Lwów • Mykolajiw • Odesa • Poltawa • Riwne • Sumy • Ternopil • Winnycja • Wołynska • Zakarpatska • Zaporižžja • Žytomyr
Černiwci | Herca | Chotyn | Kicman | Nowodnistrowsk | Nowoselycja | Sokyrjany | Storožynec | Waškiwci | Wyžnycja | Zastawna
Sydlišća měšćanskeho typa
Berehomet | Hlyboka | Kelmenci | Kostryžiwka | Krasnojilsk | Lužany | Nepolokiwci | Putyla
This article uses material from the Wikipedia Hornjoserbsce article Oblasć Černiwci, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.