Prut: Rěka we wuchodnej Europje
Prut (ukrainsce Прут, rumunsce Prut, němsce Pruth) je 953 kilometrow dołha rěka na juhozapadnej Ukrainje kaž tež w Rumunskej a Moldawskej, kotraž ćeče z wuchodnych Karpatow do Dunaja.
Jedna so wo 20. najdlěšu rěku cyłeje Europy a druhi najdlěši přitok Dunaja. Rěka je na poslednich 300 kilometrach wot města Iași hač k wuliwej pławna.
| ukrainsce Прут, rumunsce Prut | |
| ćeče přez | Ukrainu, Rumunsku, Moldawsku |
| žórło | w ukrainskich Lěsnych Karpatach pod horu Howerla (S, 24° 33′ 15″ W48.16271524.554266) |
| wuliw | pola Giurgiulești do Dunaja (S, 28° 12′ 26″ W45.468859228.20722545° 28′ 8″ S, 28° 12′ 26″ W) |
| dołhosć | 953 km |
| přestrjeń rěčiny | 27500 km² |
Wužórli so we wuchodnych Lěsnych Karpatach pod Howerlu, najwyšej horu Ukrainy a ćeče najprjedy do wuchodneho směra do Černiwc, historiskeje stolicy Bukowiny něhdźe 100 kilometrow wuchodnje žórła. Po dalšich 100 kilometrach wobroći so rěka do južneho směra a tworja wotnětka statnu hranicu mjez Rumunskej a Moldawskej. Blisko rumunskeho wulkoměsta Galați, njedaloko Dunajskeje delty, wuliwa so Prut wotlěwa do Dunaja.
Přez lětstotki tworješe rěka zapadnu hranicu Bessarabskeje, kiž běše sčasami zdobom hranica mjez Ruskim carstwom a Osmaniskim mócnarstwom.
Wotkaz
Commons: Prut – Zběrka wobrazow, widejow a awdiodatajowThis article uses material from the Wikipedia Hornjoserbsce article Prut, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.