Dnjestr (ukrainsce Дністер/Dnister, rumunsce Nistru, rusce Днестр/Dnjestr) je 1352 kilometrow dołha rěka na juhozapadnej Ukrainje a w Moldawskej, kotraž je na něhdźe 500 kilometrach pławna a běži do Čorneho morja.
Jedna so wo dźesatu najdlěšu rěku cyłeje Europy.
ukrainsce Дністер/Dnister, rumunsce Nistru, rusce Днестр/Dnjestr | |
Dnjestrowske koleno mjez Zališćikami a Chotynom na Ukrainje | |
ćeče přez | Ukrainu, Moldawsku |
žórło | w ukrainskich Lěsnych Karpatach (S, 22° 55′ 40″ W49.21222222222222.927777777778) |
wysokosć | 1000 m |
wuliw | južnje Odesy do Čorneho morja (S, 30° 14′ 0″ W46.3530.23333333333346° 21′ 0″ S, 30° 14′ 0″ W) |
wysokosć | 0 m |
spad rěki | 0,74 m/km |
rěčina | Seret, Zbruč |
dołhosć | 1352 km |
přestrjeń rěčiny | 72100 km² |
Wužórli so blisko městačka Turka w sewjernym dźělu ukrainskich Lěsnych Karpatow něhdźe 15 kilometrow wuchodnje pólskeje hranicy a běži najprjedy do sewjerneho a potom zwjetša do wuchodneho směra přez Lwiwsku oblasć. Za starym wjerchowskim městom Halyč započina charakteristiski, hač do 160 metrow hłuboki Dnjestrowski kanjon z wjele rěčnymi kolenami, stejacymi pod přirodoškitom. W tutym wotrězku je so rěka hłuboko do Podolskeje platy zarězała. Za něhdyšej osmanisko-pólskej namjeznej twjerdźiznu Chotyn twori Dnjestr něhdźe 140 kilometrow dołhi Nowodnistrowski spjaty jězor. W srjedźnym běhu je Dnjestr přirodna hranica najprjedy mjez Ukrainu a Moldawskej a potom mjez Moldawskej a separatistiskej Přidnjestrowskej republiku, kotrejež stolica Tiraspol so jako najwjetše město při Dnjestrje na wuchodnym brjoze rěki namaka. Blisko městačka Majaki wuliwa so Dnjestr z deltu do 40 kilometrow dołheho Dnjestrowskeho limana, zaliwa Čorneho morja.
Dnjestr je něhdźe 70 dnjow wob lěto zamjerznjeny a njehodźi so w tym času hospodarsce wužiwać.
Přez lětstotki tworješe rěka wuchodnu hranicu Bessarabskeje.
This article uses material from the Wikipedia Hornjoserbsce article Dnjestr, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.