Christian Knauthe (tež Christian Knauth; * 19.
decembra">19. decembra 1706 w Zhorjelcu, † 7. januara 1784 we Friedersdorfje) bě hornjołužiski stawiznar a ewangelski farar we Friedersdorfje pola Markoćic. Płaći jako najwuznamniši hornjołužiski domiznowědnik 18. lětstotka.
Knauthe narodźi so 1706 w Zhorjelcu jako jedne wot dźesać dźěći Gottfrieda Knautha. Po wopyće Zhorjelskeho gymnazija studowaše wot 1728 do 1732 w Lipsku teologiju, filozofiju kaž tež cyrkwinske a politiske stawizny. Přez kontakty k serbskim studentam nawukny tam tež serbšćinu. Wot 1732 dźěłaše jako domjacy wučer we Friedersdorfje. Dźěło jako prědowar započa 1736 w Zhorjelskej cyrkwi Swjateje Trojicy.
Wot 1741 běše z fararjom Friedersdorfskeje wosady a wukubła tež tamnišich dźěći. W lěće 1765 wozjewješe prěnju wjesnu chroniku Friedersdorfa. Ze swojej knihu Derer Oberlausitzer Sorberwenden Umständliche Kirchengeschichte wot 1767 přinošowaše tež k sorabistiskemu slědźenju. Cyłkownje wozjewješe wjace hač 65 ćišćanych spisow. Nimo toho zestaješe wosobinsku knihownju z něhdźe 4600 spisami kaž tež pjenježny kabinet. Zběrka bu pak w lěće 1754 přez woheń zničena.
→ dalse digitalizaty pola Wikisource
This article uses material from the Wikipedia Hornjoserbsce article Christian Knauthe, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.