Bjarnat Wawrik (němsce Bernhard Waurick; * 9.
junija">9. junija 1889 w Swinjarni, † 9. januara 1979 w Traunsteinje) bě serbski jurist, diplomat, hospodarski poradźowar a awtor etnografiskich studijow.
Narodźi so jako syn bura a běše wot 1904 do 1907 chowanc Serbskeho seminara w Praze, hdźež wopytowaše němskorěčny gymnazij na Małej stronje. Wot 1909 do 1914 studowaše w Berlinje a Lipsku prawnistwo a etnografiju. Jako student pućowaše po Ruskej a po balkanskich krajach hač do Istanbula. W decembru 1914 přińdźe jako němski wojak w Prěnjej swětowej wójnje do ruskeje wójnskeje jatby. Ze Sibirskeje ćekny do Chiny a pućowaše wottam dale do Indiskeje.
Po wójnje běše wot 1920–26 zwjetša w němskej diplomatiskej słužbje w Moskwje a přewjedźe wjele pućowanjow po Aziji hač do Japanskeje. Wot 1927 do 1941 běše hospodarski poradźowar chinskeho wulkopósłanstwa w Berlinje; po tym přesydli so do Traunsteina.
Wawrik wozjewi rjad etnografiskich studijow a aziskich ludach we wědomostnych časopisach (mj. dr. Osteuropa) a knihu wo swojej jězbje ze Sibirskeje do Indiskeje, za kotruž spisa Pawoł Nedo předspomnjenje.
This article uses material from the Wikipedia Hornjoserbsce article Bjarnat Wawrik, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Wobsah pod CC BY-SA 4.0 k dispoziciji steji, jeli njeje so hinak podało. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Hornjoserbsce (DUHOCTRUNGQUOC.VN) is an independent company and has no affiliation with Wiki Foundation.