Çhengaghyn Ooralagh

T’ad Finnlynnish, Ungaarish as Estoinish ny çhengaghyn smoo scanshoil mastey ny çhengaghyn Ooralagh. Ta’n chooid smoo jeu loayrit ayns y Roosh, agh ta ram loayreyderyn soit ayns yn Estaan, Finnlynn, yn Ungaar, y Romaain, y Serb, as y Clovack.

Ooralagh
Rheam:	Yn Oarpey Hiar as Hwoaie, Yn Aishey Hwoaie
Rang-oardraghey:	Mastey kynnaghyn çhengey smoo y theill
Fo-rheynnyn:	Samoidagh Finn-Oogragh
ISO 639-2:	-
Ny Çhengaghyn Finn-Oogragh

Ec y traa t'ayn ta nuy possan çhengey ayn gyn arganeys. Ansherbee, cha nel eh shickyr dy vel ad nyn breeu-phossanyn er yn oyr nagh vel coardailys ayn mychione rang-oardraghey ny çhengaghyn Ooralagh.

• Finnagh (Finnagh Baltagh, Balt-Finnagh)
• Khantyish
• Laplannagh
• Mansish
• Marish
• Mordvinagh
• Permagh
• Samoidagh
• Ungaarish

Ta feanish henndeeagh ayn chammah mychione kuse veg dy hengaghyn marroo as ad gyn rang-oardraghey shickyr:

• Meryish
• Meshçherish (derrey yn 16oo eash)
• Muromish

T’ad soyllee troggallagh ny çhengaghyn Ooralagh na:

• ymmyd rheamyssagh ny meeryn jerree ny gleiynaghey.
• possan mooar caseyn grammeydagh (13-14 caseyn er mean) m.s.:
  • Erzya: 12 chase
  • Estoinish: 14 caseyn (lesh fer elley fo arganeys)
  • Finnlynnish: 15 caseyn
  • Ungaarish: 18 caseyn
  • Sami Inari: 9 caseyn
  • Komi: 27 caseyn ayns abbyrtyn ennagh
  • Moksha: 13 caseyn
  • Nenetsish: 7 caseyn
  • Sami Hwoaie: 6 caseyn
  • Udmurtish: 16 caseyn
  • Vepsish: 24 caseyn
• coardailys breeocklyn
• gyn keintys grammeydagh
• breear jiooldagh
• a.r.e.

Shoh reihys co-chynneydee harrish ny çhengaghyn Ooralagh, as ad taishbyney ny sheean-cheaghlaghyn t'ayn. Cha nel y rolley shoh ny rolley çhyndaaghyn: ta bun cheddin ec co-chynneydee, agh foddee dy vel keeal ny focklyn anchasley nish.

• Proto-Ooralish
• Çhengaghyn Altaiagh‎
• Çhengaghyn Ooralagh-Altaiagh
• Çhengaghyn Shapoinagh
• Çhengaghyn Austraineeshagh‎
• Çhengaghyn Ind-Oarpagh
• Kynney çhengey
• Rolley çhengaghyn
• Çhengaghyn Nostratagh