Plastaid

Ta kemmigyn scanshoil goll er co-haaghey ayndaue. Dy cadjin, ta daaghyn co-haaghey sollysh ayndaue, as ta ny daaghyn shoh soaiaghey daah ny killag.

Ta dagh plastaid jannoo ymmodee coipyn jeh'n phlastoom kiarkylagh as 75-250 kilojees ayn. Ta earroo ny coipyn croghey er obbraghyn y phlastaid; ta ram jeu (harrish 1000 ny keayrtyn) ayns killaghyn ta rheynn dy tappee (cha nel monney plastaidyn ayns lheid ny killagyn), agh 100 ny ny sloo ayns killagyn aasit, as ny plastaidyn oc er nyn rheynn hene dys ymmodee plastaidyn. Ta mysh 100 gien 'sy phlastome, bentyn rish GRNr as GRNa, chammah's proteenyn as laue oc ayns co-haaghey sollysh, as obbraghyn aascreeu as çhyndaays. Agh cha nel shen agh ayrnag ny proteenyn as feme oc dys jannoo plastaid. Ta'n chooid smoo jeu er nyn goad ayns gienntagyn çheshveanagh, as ta cooilleeney gienntagyn plastaidagh as çheshveanagh co-reillt dys shickyraghey co-hrimmid cooie plastaidyn bentyn rish rheynn ny killag.

Ta currymyn plastaidyn goaill stiagh co-haaghey sollys, co-haaghey kemmigyn elley, as tashtey troaryn myr stark. Foddee ad eddyr-scarrey, ny aa-eddyrscarrey, dys fo-chummaghyn plastaid, bentyn rish obbraghyn ny killag. Foddee plastaid neuaasit (proplastaid) goaill er hene ny cummaghyn shoh:

• Chloroplastyn: dys co-haaghey sollys
• Chromoplastyn: dys co-haaghey as tashtey daaghyn
• Leucoplastyn: dys co-haaghey monoterpeen; t'ad geddyr-scarrey myr fir er lheh ny keayrtyn:
  • Amyloplastyn: dys tashtey stark as cronnaghey ym-hayrn
  • Elaioplastyn: dys tashtey geirr
  • Proteinoplastyn: dys tashtey as caghlaa proteen

Ayns algaghyn, t'ad cur "leucoplast" er plastaid erbee gyn daah. Cha nel shen y red cheddin as leucoplast lus.

• Bhattacharya, D. (Ed.) 1997 Origins of Algae and their Plastids. Springer-Verlag/Wein, New York. ISBN 3-211-83036-7
• Tree of Life Eukaryotes