Cowrey Kemmigagh: Cowrey ta ymmydit 'sy chemmig da bunstoo (ny possan obbree ny rang bunstooghyn)
Ta cowraghyn kemmigagh çheet er ny h-aagherridyn ta ymmydit 'sy chemmig da ny bunstooghyn, possanyn obbragh, as co-vunstooghyn.
Ta cowraghyn bunstooagh da bunstooghyn jeant, er y chooid smoo, ass un ny daa lettyr voish yn abbyrlhit Romanagh as y chied lettyr ayns kione-lettyryn.
Cowraghyn da ny bunstooghyn
| Rolley ny bunstooghyn | ||||
|---|---|---|---|---|
| Z | Cowrey | Ennym | Bun yn ennym | Enmyn Gaelg elley |
| 1 | H | Hiddragien | voish hydro- as -gen y Ghreagish, ta çheet er "ushtey-chrooagh" | Heedrageen |
| 2 | He | Hailium | voish hḗlios y Ghreagish, "grian" | |
| 3 | Li | Litçhey | voish líthos y Ghreagish, "clagh" | |
| 4 | Be | Beryllium | beryl, meainagh (ec y vun, t'eh çheet ass ennym Belur ayns jiass yn Injey) | |
| 5 | B | Boron | boracks, meainagh (voish بورق bawraq yn Arabish) | |
| 6 | C | Carboan | voish carbo y Ladjyn, "geayl" | |
| 7 | N | Neetragien | voish nítron as -gen y Ghreagish, ta çheet er "neetar-chrooagh" | Neetrageen |
| 8 | O | Ocsygien | voish oxy- as -gen y Ghreagish, ta çheet er "geayrag-chrooagh" | Ocsajeen |
| 9 | F | Fluoreen | voish fluere y Ladjyn, "roie, lhieeney" | Flooareen |
| 10 | Ne | Neoin | voish néon y Ghreagish, "noa" | Neon |
| 11 | Na | Sodjum | voish soda y Vaarle, "soda" (ta'n cowrey Na çheet ass natrium y Noa-Ladjyn, voish Natron, "natron" y Ghermaanish) | Soydiu |
| 12 | Mg | Magnaishum | Magnesia, slyst ayns Thessalia Hiar y Ghreag | Magneeshym |
| 13 | Al | Ollymin | voish alumen y Ladjyn (gien. alumni), "sollan geyre, ollym" | |
| 14 | Si | Silicoin | voish silex y Ladjyn, "clagh aile" | Shillagon |
| 15 | P | Fosfaar | voish phōsphóros y Ghreagish, "sollys-hoyrtagh" | |
| 16 | S | Sulfur | voish sulphur y Ladjyn, "clagh lostee" | |
| 17 | Cl | Cloreen | voish chlōrós y Ghreagish, "buigh glassoil" | Cloareen |
| 18 | Ar | Argon | voish argós y Ghreagish, "litçheraght" (kyndagh rish e neughleashaght) | |
| 19 | K | Potashum | voish potassa y Noa-Ladjyn, "potash" (ta'n cowrey K çheet ass kalium y Ladjyn) | Potassium |
| 20 | Ca | Kelkium | voish calx y Ladjyn, "eayl" | Kelkiu, kelkym |
| 21 | Sc | Scandjum | voish Scandia y Ladjyn, "Loghlyn" | |
| 22 | Ti | Çhitaanium | Ny Titanyn, mec ven-jee yn Dowan ayns feayn-skeealleydaght y Ghreag | |
| 23 | V | Vanaadjum | Vanadis, shenn-ennym Shenn Loghlynish da'n ven-jee Loghlynagh Freyja | Vanaadiu |
| 24 | Cr | Cromium | voish chróma y Ghreagish, "daah" | Kroymiu |
| 25 | Mn | Manganaish | voish magnesia negra y Ladjyn; jeeagh er Magnaishum | |
| 26 | Fe | Yiarn | Fockle Gaelg (ta'n cowrey Fe çheet ass ferrum y Ladjyn) | |
| 27 | Co | Cobalt | voish Kobold y Ghermaanish, "glashtin" | |
| 28 | Ni | Nickyl | voish Nickel y Ghermaanish, shee mitçhooragh voish feayn-skeealleydaght meaineragh Germaanagh | |
| 29 | Cu | Cobbyr | voish cuprum y Ladjyn, voish Κύπρος Kýpros "yn Cheeprey" y Çhenn Ghreagish | Copuir |
| 30 | Zn | Shinc | S'liklee dy re voish Zinke y Ghermaanish, "goullan" ny "feeackle", agh ta fir elley gra dy vel eh çheet ass سنگ sang "clagh" y Phershish | Sinc, sink |
| 31 | Ga | Gallium | voish Gallia y Ladjyn, "y Rank" | Galliam |
| 32 | Ge | Germaanium | voish Germania y Ladjyn, "y Ghermaan" | |
| 33 | As | Arsnick | voish arsenic y Rangish, voish ἀρσενικόν arsenikón y Çhenn Ghreagish, 'arsnick buigh' (fo cummaght arsenikós, "firryn" ny "feroil"), voish fockle rouaillagh voish yn Aishey Heear, voish *zarniya-ka "airhey" y Çhenn Eeraanish | Arsnagh |
| 34 | Se | Shellainium | voish σελήνη selḗnē y Çhenn Ghreagish, "eayst" | |
| 35 | Br | Bromeen | voish brômos βρῶμος y Çhenn Ghreagish, "torcan" | |
| 36 | Kr | Krypton | voish κρυπτός kryptós y Çhenn Ghreagish, "follit, keillit" | |
| 37 | Rb | Rubiddjum | voish rubidus y Ladjyn, "ruy dorraghey" | |
| 38 | Sr | Stroinçhum | voish Stroin yn Çheean, balley beg ayns Nalbin | Strointiu |
| 39 | Y | Yttrium | voish Ytterby, balley beg 'sy Toolynn | |
| 40 | Zr | Serconium | voish sercon, meainagh | Serconiu |
| 41 | Nb | Neeobium | voish Niobe, 'neen lesh y ree Tantalus ayns feayn-skeealleydaght y Ghreag | |
| 42 | Mo | Molybdenum | voish μολύβδαινα molýbdaina y Çhenn Ghreagish, "peesh dy "leoaie" | |
| 43 | Tc | Çheghnaiçhum | voish τεχνητός tekhnētós y Çhenn Ghreagish, "ellynagh, laue-jeant" | |
| 44 | Ru | Rutainium | voish Ruthenia y Noa-Ladjyn | |
| 45 | Rh | Roydjum | voish ῥοδόεις rhodóeis y Çhenn Ghreagish, "ruissagh", voish ῥόδον rhódon "rose" | |
| 46 | Pd | Pallaadjum | voish ennym y roltageagh Pallas, va coontit myr planaid ec y traa | |
| 47 | Ag | Argid | Fockle Gaelg (ta'n cowrey çheet ass argentum y Ladjyn) | |
| 48 | Cd | Cadmium | voish cadmia y Ladjyn, voish y Ree Kadmos | |
| 49 | In | Indjum | voish indicum y Ladjyn, 'plooreen' (daah ta ry-akin 'sy spectrum hene echey) | |
| 50 | Sn | Stainney | Fockle Gaelg (ta'n daah çheet ass stannum y Ladjyn) | Stainey |
| 51 | Sb | Antimoan | voish antimonium y Ladjyn, agh ta bun yn 'ockle shen neuhickyr: ta fraue-ockleeaght ny theay cur sannish dy vel eh çheet ass ἀντί antí "noi" + μόνος mónos ('ny lomarcan') y Çhenn Ghreagish; ny voish anti-moine, "feoh nieu maynagh" y Çhenn Rangish; as foddee dy vel eh hçeet ass إثمد ʾiṯmid "antimoan" yn Arabish as eh aachummit myr fockle Ladjyn (ta'n cowrey çheet ass stibium 'stibnite' y Ladjyn) | |
| 52 | Te | Çhellurium | voish tellus y Ladjyn, "y thalloo, ooir" | |
| 53 | I | Eeadeen | voish iode y Rangish, voish ἰοειδής ioeidḗs "violet" y Çhenn Ghreagish | Eedean |
| 54 | Xe | Xenon | voish ξένον xénon y Çhenn Ghreagish, y cummey neaghtyragh jeh'n 'ockle ξένος xénos "anoayshagh, quaagh" | |
| 55 | Cs | Kaishum | voish caesius y Ladjyn, "speyr-ghorrym" | |
| 56 | Ba | Baarium | voish βαρύς barýs y Çhenn Ghreagish, "trome" | |
| 57 | La | Lantanum | voish λᾰνθᾰ́νειν lanthánein y Çhenn Ghreagish "lhie fo keiltyn" | |
| 58 | Ce | Kerrium | voish ennym y phlanaid crivassanagh Keres, va coontit myr planaid ec y traa | Kerium |
| 59 | Pr | Prashodymmium | voish πράσιος prásios + δίδυμος dídymos y Çhenn Ghreagish, "lannoon glass" | |
| 60 | Nd | Niodymium | voish νέος néos + δίδυμος dídymos y Çhenn Ghreagish, "lannoon noa" | |
| 61 | Pm | Promaiçhum | voish Prometheus voish feayn-skeealleydaght y Ghreag | |
| 62 | Sm | Samaarium | voish samarskite, meainagh ta enmyssit ass y Churnal Vasili Samarsky-Bykhovets, fer oik meainey Rooshagh | |
| 63 | Eu | Oarpium | voish yn Oarpey | |
| 64 | Gd | Gadolinnium | voish gadolinite, meainagh ta enmyssit ass Johan Gadolin, kemmigagh, fishigagh, as meain-oayllee Finnlynnagh | |
| 65 | Tb | Çherbium | voish Ytterby, balley beg 'sy Toolynn | |
| 66 | Dy | Dysproshum | voish δυσπρόσιτος dysprósitos y Çhenn Ghreagish, "do-gheddyn" | |
| 67 | Ho | Holmium | voish Holmia y Noa-Ladjyn, "Stockholm" | |
| 68 | Er | Erbium | voish Ytterby, balley beg 'sy Toolynn | |
| 69 | Tm | Thulium | voish Thule, shenn-ennym va currit er boayl twoaieagh er lheh nagh vel fys ain er | |
| 70 | Yb | Ytterbium | voish Ytterby, balley beg 'sy Toolynn | |
| 71 | Lu | Lootaiçhum | voish Lutetia y Ladjyn, "Paarys | |
| 72 | Hf | Hafnium | voish Hafnia y Noa-Ladjyn, "Copenhagen" | |
| 73 | Ta | Tantalum | voish ennym y Ree Tantalus, ayr Niobe voish feayn-skeealleydaght y Ghreag | |
| 74 | W | Tungsten | voish tung + sten y Toolynnish, "clagh trome" (ta'n cowrey çheet ass wolfram, shenn ennym Baarle y veainagh wolframite) | |
| 75 | Re | Rainium | voish Rhenus y Ladjyn, "y Rhine" | |
| 76 | Os | Osmium | voish ὀσμή osmḗ y Çhenn Ghreagish, "soar" | |
| 77 | Ir | Iriddjum | voish Iris, ben-jee Greagagh y ghoal twoaie | |
| 78 | Pt | Platinum | voish platina y Spaainish, "argideen beg", voish plata "argid" | Plateen, platin |
| 79 | Au | Airh | Fockle Gaelg (ta'n cowrey çheet ass aurum y Ladjyn) | |
| 80 | Hg | Mercur | Voish Mercur, jee Raueagh y traght, y çhellinsh, as yn aigh, mie er enney kyndagh rish e vieauid as e raghidys (ta'n cowrey çheet ass ennym Ladjyn y vunstoo hydrargyrum, ta çheet eh hene voish ὑδράργυρος hydrárgyros, "ushtey-argid" y Çhenn Ghreagish) | |
| 81 | Tl | Thallium | voish θαλλός thallós y Çhenn Ghreagish, "foghan glass" | |
| 82 | Pb | Leoaie | Fockle Gaelg (ta'n cowrey çheet ass plumbum y Ladjyn) | |
| 83 | Bi | Bismut | voish Wismut y Ghermaanish, voish weiß + Masse "glout bane", mannagh vel eh çheet ass yn Arabish | Bismuth |
| 84 | Po | Polonium | voish Polonia y Ladjyn, "y Pholynn" (çheer ghooie Marie Curie) | |
| 85 | At | Astatçheen | voish ἄστατος ástatos y Çhenn Ghreagish, "neuhickyr" | |
| 86 | Rn | Raadon | voish "raadjum" | |
| 87 | Fr | Francium | voish "y Rank" | |
| 88 | Ra | Raadjum | voish radium y Rangish, voish radius y Ladjyn, "gah" | Raadiu |
| 89 | Ac | Aghtinnium | voish ἀκτίς aktís y Çhenn Ghreagish, "gah" | |
| 90 | Th | Thorium | voish Thor, jee Loghlynagh y taarnagh | Thoriu |
| 91 | Pa | Protaghtinnium | voish πρῶτος prôtos, "y chied, roish") + aghtinnium, ta jeant ass naardey goul-rooragh y phrotaghtinnium | |
| 92 | U | Uranium | voish Uraanus, y shiaghtoo planaid ayns Corys ny Greiney | Uraniu, uranniu |
| 93 | Np | Nepçhunium | voish Neptioon, y hoghtoo planaid ayns Corys ny Greiney | |
| 94 | Pu | Plutonium | voish Pluto, planaid crivassanagh va coontit myr y nuyoo planaid ayns Corys ny Greiney ec y traa | Plutoyniu |
| 95 | Am | Americium | voish America, er-yn-oyr dy row eh taahit ayn da'n chied cheayrt, as rere cosoyley rish oarpium | |
| 96 | Cm | Curium | enmyssit ass Pierre Curie as Marie Curie, fishigee as kemmigee Rangagh | |
| 97 | Bk | Berkelium | voish Berkeley, California, raad va'n bunstoo taahit da'n chied cheayrt, rere cosoyley rish çherbium | |
| 98 | Cf | Californium | voish California, raad va'n bunstoo taahit da'n chied cheayrt | |
| 99 | Es | Einsteinium | enmyssit ass Albert Einstein, fishigagh Germaanagh | |
| 100 | Fm | Fermium | enmyssit ass Enrico Fermi, fishigagh Iddaalagh | |
| 101 | Md | Mendelevium | enmyssit ass Dmitri Mendeleev, kemmigagh as ynlaghteyr Rooshagh hreeal taabyl reiltagh ny bunstooghyn | |
| 102 | No | Nobelium | enmyssit ass Alfred Nobel, kemmigagh as jeshaghteyr Soolynnagh | |
| 103 | Lr | Lawrencium | enmyssit ass Ernest O. Lawrence, fishigagh Americaanagh | |
| 104 | Rf | Rutherfordium | enmyssit ass Ernest Rutherford, kemmigagh as fishigagh Goaldagh | |
| 105 | Db | Dubnium | voish Dubna, y Roosh, raad ta'n Co-undinys cour Ronsaghey Çheshveanagh (JINR) soit | |
| 106 | Sg | Seaborgium | enmyssit ass Glenn T. Seaborg, kemmigagh Americaanagh | |
| 107 | Bh | Bohrium | enmyssit ass Niels Bohr, fishigagh Danvargagh | |
| 108 | Hs | Hassium | voish Hassia y Noa-Ladjyn, "Hessen" (steat 'sy Ghermaan) | |
| 109 | Mt | Meitnerium | enmyssit ass Lise Meitner, fishigagh Austeyragh | |
| 110 | Ds | Darmstadtium | voish Darmstadt, y Ghermaan, raad va'n bunstoo taahit da'n chied cheayrt | |
| 111 | Rg | Roentgenium | enmyssit ass Wilhelm Conrad Röntgen, fishigagh Germaanagh | |
| 112 | Cn | Copernicium | enmyssit ass Nicolaus Copernicus, rollageyder Polynnagh | |
| 113 | Nh | Nihonium | voish 日本 Nihon, "y Çhapaan", raad va'n bunstoo taahit da'n chied cheayrt | |
| 114 | Fl | Flerovium | voish Seyrlann Flerov cour Ym-obbraghyn Çheshveanagh, ayrn jeh'n Cho-undinys cour Ronsaghey Çheshveanagh (JINR), raad va'n bunstoo taahit da'n chied cheayrt; ta'n seyrlann hene enmyssit ass Georgy Flyorov, fishigagh Rooshagh | |
| 115 | Mc | Moscovium | voish Queiggey Moscow, y Roosh, raad va'n bunstoo taahit da'n chied cheayrt | |
| 116 | Lv | Livermorium | voish Lawrence Livermore National Laboratory ayns Livermore, California, ren co-obbraghey marish JINR er e haaghey | |
| 117 | Ts | Tennesseen | voish Tennessee, ny Steatyn Unnaneysit | |
| 118 | Og | Oganesson | enmyssit ass Yuri Oganessian, fishigagh Rooshagh | |
Imraaghyn
Kianglaghyn magh
Ta tooilley mean ayns Wiki Commons bentyn rish: Chemical symbol.
- Rolley ny Bunstooghyn lesh Berzelius
- History of IUPAC Atomic Weight Values (1883 to 1997) (Baarle)
- Committee on Nomenclature, Terminology, and Symbols, American Chemical Society (Baarle)
This article uses material from the Wikipedia Gaelg article Cowrey kemmigagh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Gaelg (DUHOCTRUNGQUOC.VN) is an independent company and has no affiliation with Wiki Foundation.