श्रीनिवास खळे
श्रीनिवास विनायक खळे हांचो जल्म 30 एप्रील 1926 दिसा बडोदा गुजरात जालो. हे संगीतकार आशिल्ले.
9 सयाजीराव गायकवाड संगीत महाविघालयांतल्या मधुसूदन जोशी हांचे कडल्यान तांणी संगिताचें मुळावें शिक्षण घेतलें.फुडें अता हुसेन खां, निसार हुसेन खां आनी फय्याज हुसेन खां हांचे खां कडल्यान तांचें फुडलें शिक्षण जालें. बडोदा आकाशवाणी केंद्राचेर कांय वर्सा नोकरी केले उपरांत खळे मुबंय आयले.
पूण सुरवातीक तांकां खंयच काम मेळ्ळें ना. दता कोरगांवकर हांचे लागीं साहाय्यक संगीतकार म्हूण तांणी कांय काळ काम केलें. पूण येश मेळूंक ना. एक वेळ असो आयलो, बाज्याची पेटी विकची आनी दुसरो किदें तरी धंदो करवो पूण संगीत नाका. अशा वायट आनी कठीण वेळार तांचे बायलेन तांकां धीर दिलो.तांची संगिता विशीं आशिल्ली उर्मी तिगोवन दवरली.खुब्ब हाल काडले उपरांत 1952 वर्सा गदिमा हांणी बरयिल्ल्या दोन गितांक चाल लावपाची संद तांकां चलून आयली. ही दोन गितां आशिल्ली, गोरी गोरी पान आनी एका तळ्यांत होती बदके पिले सुरेख. ही दोन गितां इतलीं फामाद जाली, हें नांव सगळे कडेन जालें. मागीर जो इतिहास ह्या मनशान रचलो, रसिकां खातीर संगीत दिलें, आयज दरेक आयकुपी खळे हांचें गीत आयकले बगर रावना 02 सप्टेंबर 2011 ह्या दिसा तांकां मुंबय मरण आयलें.
This article uses material from the Wikipedia गोंयची कोंकणी / Gõychi Konknni article श्रीनिवास खळे, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.