'लिबिया लोबो सरदेसाई' ही सुटके झुजारी आशिल्ली.
लिबिया लोबो सरदेसाई हांचो जल्म 25 मे 1925 दिसा पर्वरी, बर्दस हांगा जालो. ताचें मुळावें शिक्षण गोंयांत तर फुडले सगळें शिक्षण मुंबयत जाला. तांणी बि.ए., एल.एल.बी. मेरेन पदवी जोडल्या.
मुंबय तांचें घर क्रॉफड मार्केटा कडेन आशिल्ले. तांचें शिक्षण भायखळ्याच्या कॉलेजींतल्यान जलां. तो काळ भारताच्या परिवर्तनाचो काळ आशिल्लो. म. गांधी, पं. नेहरु, लोकमान्य टिळक, आंबेडकर आनी क्रांतीकाराक ह्या सगळ्यांच्या विचारांचो जबरदस्त प्रबाव जनतेचेर आशिल्लो. ब्रिटिश राजसत्तेक धांवडावन घालचे खातीर छोडो भारत, दांडीयात्रा, बंद सत्याग्रह, उपास, चरख्याचेर सूत काडप, क्रातिकाराचे बलिदान, अशे तरचें नवें पर्व भारतांत निर्माण जाल्लें. क्रॉफड मार्केट परिसर हो बाल्लेकिल्लो आशिल्लो.
लिबियांचो एल.एल.बी चो अभ्यास चालू आशिल्लो त्यावेळार तांच्या दोळ्यां मुखारुच ह्यो घडणुको चालु आशिल्ल्यो. आपसूकच तांच्यां मनात गुलामगिरी बद्दल चिड निर्माण जाली. मुळचि बंडखोर वृत्ती, तांकां ओगी रावपाक दिना जाल्ली. कायद्याचो अभ्यास पुराय करतां करतांच त्यो ‘गोंय यूथ लिगाच्यो’ सेक्रेटरी जाल्यो. 1948 ते 1950 मेरेन त्यो ‘गोंय यूथ’ लिगाच्यो सेक्रेटरी आशिल्ल्यो.
1942 सुरू जाल्ल्या चळवळीचें धगधगतें रूप तांणी लागीच्यान पळयल्लें. खिणांखिणांक जावपी लाठीमार, आर्मंच्या गुळ्यांचे आवाज, जखमी सुटके झुजाऱ्याच्यो अँम्बुलन्सी तांच्या हुजीर धावताल्यो. मुळांतच धाडसी लिबियांचें मन अत्याचारांच्या विरूध्द पेटून उठूठालें. सुरवेक तांणी ऑल इंडिया रेडियोचेर नोकरी धरली. गोंयकारां मदीं जागृताय जावची खातीर तांणी एका ट्रान्समीटराची थापणूक केली. सोडवणेचो आवाज ह्या नांवाचें लिपचोरयां रेडियो केंद्र, रानांत सुरू केलें. वेळचे वेळार ताज्यो घडणुको, बातम्यो गोंयकारां मदीं पावोवपाचें जोखमीचें काम लिबीया आपल्या खडेगांठ आवाजान करताल्यो. पुर्तुगेजांनी जमिन वयल्यो शिमो बंद केल्ल्यो पूण लिबीयांच्या आवाजाक ते बांद घालूक शकले नात. सुरवातीक हें गुप्त केंन्द्र कँसरलाँकाक आसलें. मागीर तें बेळगांवा हालवोचें पडलें. वामन सरदेसाय आनी लिबीया लोबो हीं केंन्द्र चलयतालीं. पुर्तुगेजांच्या गुलामगिरींतल्यान मेकळें जाय मेंरेन चलयलें.
तांणी आपणाक पुराय तरेन समाजीक कार्याक व्हंवून घेत्तील्लें. राज्य पातळी वेल्या गिरायक समिती, गिरायक सल्लागार समिती, संघ प्रदेशांतली बंदखणीची पळोवणी, कांय सुचोवण्यो करपी समिती नेमिल्ली तांची त्यो वांगडी आसल्यो. त्या शिवाय अखिल भारतीय महिला परिषद (गोंय फांटो), गिरायक मार्गदर्शन संस्था (गोंय फांटो), हांच्योय त्यो अध्यक्ष आसल्यो.
This article uses material from the Wikipedia गोंयची कोंकणी / Gõychi Konknni article लिबिया लोबो सरदेसाय, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.