मायकल फॅरेडे
मायकल फॅरेडे हाचो जल्म 22 सप्टेंबर 1791 ह्या दिसा इंग्लंडांत न्यूइंग्टन सरे प्रांतांत जालो.
भौतीक आनी रसायन शास्त्रांतलें ताचें ज्ञान अणभवांतल्यान आयिल्लें थरलें.
वावर
इलेक्ट्रॉ मॅग्नेटिझमांतल्यान ताचे प्रयोग खूब जाणांक उपेगाचे थारले. हॅम्प्रे डेव्हिडाचो तो मजतनीस आशिल्लो. फॅरेडेज लॉ ओफ इंडक्शनाक लागून चुंबकीय आकर्शण मळाचेर बरोच बदल घडून आयलो. सरयेच्या वाटकुळ्या वर्तुळांत लोहचुंबक फिरयलें जाल्यार तातूंत विद्युतप्रवाहाची निर्मिती जाता. चड प्रवाह आसत तर हीच फिरोवपाची क्रिया बेगीन करची, ह्या तत्वाचेर ताणें डायनामो सोदून काडलो. तो विद्युतगुणधर्माच्या मुळाव्या तत्वाचेर आदारला. विद्युत ल्हारांचे प्रकाशाचे ताचे सिध्दांत म्हत्वाचे मानतात. ताचे एक्सपेरिमेंटल रिसर्चीस इन कॅमिस्ट्री ऍन्ड फिजिक्स हें पुस्तक खूब गाजलें. तशेंच ताणें इलेक्ट्रीक मोटार तयार केली. ट्रान्सफॉर्मर करपांत ताणें येस मेळयलें. चुंबकाचो बळरेशाय ताणेंच सोदून काडलो.
मरण
सरसामान्य मनशाक विज्ञानचें ज्ञान जावचें, ही ताची आंतरीक तळमळ आशिल्ली. ताका लागून ताचीं व्याख्यांनां सरळ आनी समजुपा सारकीं जातालीं. तीं आयकुपाक हजारांनी लोक येताले. इंग्लंडांत विज्ञान ताणेंच लोकप्रिय केल्लें. ह्या म्हान मनशाक 25 ऑगस्ट 1867 ह्या दिसा हॅम्पटन कोर्ट वाठारांत मरण आयलें.
संदर्भ
This article uses material from the Wikipedia गोंयची कोंकणी / Gõychi Konknni article मायकल फॅरेडे, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). हातूंतलो मजकूर CC BY-SA 4.0च्या अंतर्गत उपलब्ध आसा जे मेरेन हेर नोंदी करूक नात. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki गोंयची कोंकणी / Gõychi Konknni (DUHOCTRUNGQUOC.VN) is an independent company and has no affiliation with Wiki Foundation.