दादोबा पांडुरंग तर्खडकार

ताणें मुळावें शिक्षण घराच बापायकडेन घेंतलें.फुडलें माध्यमीक शिक्षण बॉम्बे नेटिव्ह एज्युकेशन सोसायटिचे शाळेंत जालें. 1825 या वर्सां ताची एल्फिस्टन इंस्टिटुटांत शिक्षक म्हणून नेमणूक जाली.1841 ते 46 मेरेन सुरतेचें इंगलीश शाळेंत म्हणून ताणें काम केलें. समाजीक कार्य सुरतेचे शाळेंत दुर्गाराम मंछाराम हो वांगडी ताका मेळ्लो.ह्या दोगांयनी मेळून मानवधर्मसभा(1844)स्थापन केली.हे सभेवतीन तांणी लोकांच्या विरोधाक भियेंनास्तना अंश्रध्दा निर्मुलनाचें आनी विनाक जागृतीचो वावर केलो.इ.सई1844 तो ज्ञानप्रसारकमंचाचो अध्यक्ष जालों. फुडें 31 जुलय 1849 दिसा ताणें मुंबयत परमहंस सभेची स्थापना केली.1835 ते 1880 ह्या काळांत ताणें शिक्षक,अधिक्षक,उपजिल्हाधिकारी आदी वेगवेगळ्या पदांचेर काम केलां.निवृत्ती उपरांत कांय काळ तो ओरियेंटल ट्रांस्लेटराच्या पदार आशिल्लो.

संस्कृत आनी इंगलीश भाशेच्या व्याकरणांचो ताणें खोलायेन अभ्यास केलो.मराठी भाशेचें व्याकरण उजवाडाक हाडलें.ह्या पुस्तका भायर तांची उजवाडाक आयिल्लीं हेर पुस्तकां अशीं आसात-विधवेच्य लग्नाचें समर्थन करपी निबंध विध्यवाश्रु मार्जन,इंगलीश व्याकरणाची पूर्व पठिका (1860),मराठी आनी गुजराती नकाशांचे पुस्तक(1863),मोरोपंताच्या केकावलीवेली गद्य टिका (1856),जगद्वासी आर्य ह्या टोपम नावान धर्म सुत्रधार बरयल्लो धर्मविवेचन हो ग्रंथ(1868),परमहंसीक ब्राह्मधर्म(1880),शिशुबोध(1884)(मरणां उपरांत उजवाडाक आयिल्लो.) आपजीण प्रा,अनंत काकबा प्रियोळकार हाणें संपादित करून उजवाडाक हाडली.दि.

17 ऑक्टोबर1882 या दिसा मुंबय हांगा तर्डखकार हाका मरण आयलें. संदर्भ