Borea Jezuchi Bazilika

Basilica of Bom Jesus vo Borea Jezuchi Bazilika (Purtugezint : Basílica do Bom Jesus) Bharotachea Goeant urta ani ti ek UNESCO [1]Jagotik Daizachem Stholl zavn asa.   Bazilikent, St. Fransis Xavieracheo omor ovxex asat. Igorjechem stholl Adlea Goeant asa, ji Purtugezanchea rajeant, adim Goenchi rajdhani zavn asli.'Bom Jesus' [utra pormonnem, 'Borea (vo Povitr) Jezu] hem nanv Ecce Homo Purtugez vosahotant vaporpant ailam. Hi Jezuit Igorz, Bharotachi poili lhan basilica , ani ti ek Bharotant baroque bandavollxastrachem boreantlem borem udahoronn zavn asa.

 

 

Igorjecho bandavollicho vavr 1594 vorsa suru zalo. Mai 1605 vorsa Igorjechem somorponn korpant ailem jem Arsebisp Dom Padri. Aleixo de Menezes hannem kelem. Hi jagotik iadostik Kristi itihasant ek mhotvachi ghoddnuk zavn asa,.Tantunt St. Francis Xavier hachi kudd asa, zo ek Loyolacho St. Inas hacho lagxilo ixtt aslo zannem Society of Jesus (Jezuit) sthapli. Francis Xavier jen’na to Chin bhuimkhonddak viaj martalo,to Sancian zunvear somplo (Dezembr 3, 1552). Francis Xavier hachi kudd poilim Purtugez Malacca vhorpant aili ani don vorsam uprant Goeant bottintlean patthovpant aili, Ti nikipiloli tea vellar asli toxich taji asli oxem sangpant ieta. Santacheo vosti pollovnk ozun bhonvddekaranchi (zantunt Kristi toxench on-Kristi aspavtat) sonvsar bhorcho chodd korun dor dha vorsamni (nimannem 2014 vorsa korpant ailam) bhovxik dakhovnnent gordi zata. Santak ojapanchem pekovnnechem boll asa oxem somzotat. Bharotant ani Goeant hi sogllea von pornni Igorz zavn asa. Ladi paxannachi asa zantunt moladik fator korantpant aileat. Vorixtt bhangracho lep kaddlolea altaram xivai, Igorjechem bhitorlem sozovop sadem zavn asa. Mukhel altaracher ek vhodd Loyolacho St. Inas, zo Society of Jesus (Jezuit) sthapnar aslo ani Francis Xavieracho ek sangati aslo,tachi murti asa zachea hea utram udexim to aplem jivit bodlunk pavlo. "Sonvsar jikhlear kiteak upkarta punn aplo otmo ibaddlear?" Ignatius hannem Fransisak oso vichar kelo?" 

 

Bhangracho lep kaddlolea Loyolachea Inas-ache murticho chokmok voir tharailea Jezuchea nanvam vordhan (IHS) bhangracho lep kaddlolea Jezuitanchea nixannicher asa, zo chokmokit kirnnamni revddailolo asa. Nixannicher, Povitr Atmo -- Bap, Put ani Povitr Atmo --  xevttachem kavio ani dhormixtt Kristanvancho kendrbindu asa. Altarachem mez jem Povitr Misant vaporpant ieta takai bhangracho lep asa ani tacher Kristachim chitram ani Nimannea Jevnnache xisanche fottu distat zacher him utram asat "Hi Mhoji Kudd", jim Somorponnachim Utram zavn asat.

Igorjent St,Fransis Xavier-achea jivitachea dekhaveanchim chitram distat. Voir aslolem thoddeavelem iadostik jem eka chandiechea kaxanvant asa. St. Francis Xavier (1696), hachi kudd aslolo kaxanv Medicis, Cosimo III, hea Grand Duke of Tuscany hachi ek bhett zavn asa.

Thoddeavelem iadostik 17vea xekddeantlea Florentine xilpkar  Giovanni Battista Foggini hannim ankhnni kelea. Taka tem purnn korpak dha vorsam laglim. Santachi kudd aslolo kaxanv chandiecho zavn asa. Povitr santacheo reliko dor dha vorsant dakhovnnenk dovorpat ietat jen’na tachea mornnacho dis somorpant ieta. Tachea sevadhormachi porob 3 Dezembrak korpant ieta.

Kaxanvachea voir, voilea thorar, Bom Jesus Bazilikechi Kolechi Agaxi asa zantunt Goenchea ovastovik chitrkar Dom Martin hachim chitram asat.

Borovpi ani sangati Jezuit Anthony De Mello hovui Goencho aslo zoi aplea borovpant bazilikecho ul’lekh korta. Kuddichem dorxon dor dha vorsant korpant ieta.

Bom Jezuchi Bazilika 408 vorsa von odik pornni asa ani dor disa bhovsak pollovpak ugti asa, St. Francis Xavier hachi kudd eka borea sozoilolea kaxavant asa zo sokoilea fottvant pollovpant ieta. Povitr ‘kuddicheo’ dakhovnneo dor dha vorsant korpant ietat. Tea kallache kolechea vavrachi somzut mellche khatir, Thodde Igorjeche bhitorle fottu hanga zoddleat Hea kolechea vavrak, “murals”; mhonnpant ietat. 

•  
  Borea Jezuchi Bazilika, Goem.
•  
  Borea Jezuchi Bazilika, Darvonttea savn dekhavo.
•  
  Angnnant bhitor.
•  
  Altar.
•  
  St. Francis Xavier-acheo ovxex (mortal remains).
•  
  Bazilikeche bhair aslolo gotto, Lourdes-achea Bernadette hika zalolea Saibininchem diveo. dorxon dakhoita.
•  
  Kolechea agaxintlem (in the art gallery) ek chitr.
•  
  St. Francis Xavier-achem lugott.
•  
  St. Francis Xavier-achi relik.
•  
  St. Francis Xavier-achi ovxex (mortal remains).
•  
  Setembr 2018 kaddlolo, Adlea Goenchea Borea Jezuchea Bazilikecho fottu. To mukhel rostea velear darvonttea koddlean kaddla..

https://commons.wikimedia.org/wiki/File:Introduction_-_The_Basilica_of_Bom_Jesus.jpg

 

 

 

• Se Cathedral
• Ecce Homo