بيلي آىليش

آىليش ۲۰۱۶ سال ٚ مئن خۊ أولي آهنگ-أ کي اۊن ٚ نام اۊقىانۊسي چۊمان بۊ بيرۊن بدأ کي اۊن ٚ جه پۊر استقبال بۊبؤسته. اۊن ٚ أولي آلبۊم ۲۰۱۶ آگؤست ٚ مئن مره خنده نوا گۊدن نام ٚ أمرأ منتشر بۊبؤست. بيلي أولي استۊديؤئی آلبۊم ني ۲۰۱۹ مارس ۲۹ مئن، منتشر بۊبؤسته کي اۊن ٚ نام زماتي کي آمان خۊسيمي، کؤىه شيم؟ ايسه. بيلي آر-آى-اي-اي دۊرۊن هفت‌ته طلایي آهنگ و دۊته نقره‌اي آهنگ دأره.

بيلي آىليش
بيلي آىلیش آىهارت‌رادیو مراسم ٚ مئن، مارس ۲۰۱۹
أصلي نام	بیلي آىلیش پاىرت بىرد اؤکانل
بزارۊج	۱۸ دسامبر ۲۰۰۱
بزاجيگا	لؤس آنجلس، کاليفؤرنيا، آمريکا
زيوش ٚ جيگا	هاليوۊد، کالیفرنيا، آمريکا
کار	خانشگر، ترانه‌سرا
کار گۊدن ٚ سالان	۲۰۱۵-هسأ
پئر ؤ مار	پاتريک اؤکانل، مگي بىرد
وبجيگا	BillieEilish.com

بيلي آىلیش لؤس آنجلس ٚ هاىلند پارک ٚ مئن پيلا بؤسته. اۊن ٚ پئر ؤ مار مگي بىرد ؤ پاتریک اؤکانل ايسد کي بازیگري، نوازندگي ؤ فیلمنامه‌نيویسي زمينه‌ئن ٚ مئن فعال ايسد. بيلي آىليش ٚ تبار ايرلند ؤ اسكاتلند-أ فأرسه. بيلي زماتي کي کۊچي زاک بۊ خۊ خانه دۊرۊن تحصيل بۊگۊده ؤ مدرسه نۊشؤ. بيلي زماتي کي هشت سال دأشتي خۊ پيله برار ٚ جه کي خانشگر ؤ ترانه‌سرا بۊ تأثير بيگيته ؤ آهنگ نيويشتن ؤ شعر خاني-أ شرۊع بۊگۊده.

۲۰۱۷–۲۰۱۵: مره خنده نوا کۊدن

 

بيلي ۲۰۱۵ اؤکتؤبر ٚ دۊرۊن اۊقىانۊسي چۊمان ٚ آهنگ-أ کي اۊن ٚ آهنگ ٚ متن توسط فينياس اؤکانل کي بيلي پيله برار ايسه بينويشته بۊبؤسته، بخانده ؤ ضبط بۊگۊده ؤ خۊ رخاصي معلم ٚ ره اۊسه گۊده تا مزقان ويديؤ چأکۊني مئن اۊن ٚ جه کۊمک فگيره.

اۊقىانۊسي چۊمان ۲۰۱۶ سال ٚ مئن ساؤند کلاؤد ٚ دۊرۊن مۊنتشر-أ بؤسته کي بيلي أولي رسمي آهنگ ايسه. أ آهنگ ٚ أولي مزقان ويديؤ ۲۴ مارچ ؤ اۊن ٚ أصلي ويديؤ ني ۲۲ نؤومبر هۊ سال بيرۊن بامؤ. اۊقىانۊسي چۊمان دارک رۊم ؤ اينترسکؤپ ريکؤردز ٚ لىبل ٚ أمرأ مۊنتشر-أ بؤسته ؤ مۊنتقدان ؤ مردۊم ٚ جه پۊر مثبت ٚ نظر بيگيته. آىليش هۊ سال ۲۰۱۶ دۊرۊن شيش فۊت بيجير آهنگ-أ ني بيرۊن بدأ کي اۊن ٚ دۊوؤمي رسمي آهنگ ايسه. بيلي ژانويه ۲۰۱۷ مئن ايته دئه آلبؤم بخانده کي اۊن ٚ دۊرۊن چار ته آهنگ به عنوان اۊقىانۊسي چۊمان ٚ ريميکس نهأ بۊ.

بعد أنکي اۊقىانۊسي چۊمان ٚ آهنگ، پيله استقبال أمرأ مۊواجه بۊبؤست، بيلي ۲۴ فوریه ۲۰۱۷ دۊرۊن ايته آهنگ کي اۊن ٚ نام "Bellyache" ایسه مۊنتشر-أ گۊده. فينياس أ آهنگ ٚ تهيه کۊدنکس بۊ ؤ اۊن ٚ متن نيويشتن مئن ني بيلي-أ کۊمک بۊگۊده. أ آهنگ ٚ مزقان ويديؤ ۲۲ مارچ ۲۰۱۷ بیرۊن بامؤ. ۳۰ مارچ دۊرۊن بيلي کسل ٚ آهنگ-أ به عنوان فئلم ٚ مزقان، "سيزده ته دليل أن ٚ وأسي" سرىال ٚ ره ضبط بۊگۊده. ۳۰ ژوئن ۲۰۱۷، "بيدين" ٚ آهنگ ؤ ۱۱ ژوئیه ۲۰۱۷ دۊرۊن مقلد بيرۊن بامؤ ؤ خۊ آلبؤم-أ ني کي اۊن ٚ نام مره خنده نوا کۊدن ايسه مۊنشر بۊگۊده. أ آلبؤم، بيلي أولي آلبؤم ايسه کي ۹ ته آهنگ دأره ؤ اي سري جه بيلي تک آهنگان ؤ ريميکسان ني أ آلبؤم ٚ ليست ٚ مئن نهأده.

۲۰۱۸-هسأ: زماتي کي آمان خۊسيمي، کؤىه شيم؟

آىليش فوريه ۲۰۱۸ مئن خۊ تۊر-أ شرۊع بۊگۊده کي آوريل ۲۰۱۸ تۊمامه بؤسته. بيلي آىليش "Lovely" آهنگ ٚ چأگۊدن ٚ ره، خالد رابينسؤن ٚ أمرأ کي ايته آمريکايي خانشگر ايسه ايلجار بۊگۊده. أ آهنگ آوريل ۲۰۱۸ بيرۊن بامؤ ؤ کسل ٚ آهنگ ٚ مأنستن، سيزده ته دليل أن ٚ وأسي سرىال ٚ مزقان ٚ ره استفاده بۊبؤسته. بيلي هأتؤني آهنگان عوضيان ٚ بشکفته ديل، مره وا تاج ٚ أمرأ بيديني، ؤ ۱۷ اۊکؤتبر زماتي کي مئماني تۊمامه به ؤ ۳۰ ژانویه ۲۰۱۹ آهنگ ايته رفئق ٚ بيگيل-أ گۊدن ؤ ۴ مارچ ۲۰۱۹ مئن ني کاش همجنسگرا بي به عنوان أ آلبؤم ٚ چارؤمي آهنگ بيرۊن بامؤ. زماتي کي آمان خۊسيمي، کؤىه شيم؟ ٚ آلبؤم آخرپسي ۲۹ مارچ ۲۰۱۹ کامل بيرۊن بامؤ ؤ همه‌ته اۊن ٚ آهنگان مۊنتشر-أ بؤسته.

۲۰۲۱: هميشک ٚ جه خۊشحال‌تر

آىليش ايته بۊگۊبيشتاو ٚ مئن ونتي فر ٚ مجله أمرأ بۊگۊته کي ۱۸ اکتبر ۲۰۲۰ جه، خۊ تازه آلبوم ٚ سر کار کۊنه.

ترانه تۊ اۊن-أ جخترأ دني (ايسپانيايي: Lo Vas a Olvidar) رؤساليا ايلجار أمرأ ۲۰۲۱ ژانويه مئن بيرۊن بامؤ. بيلي آىليش: جهان ايبچه تار ايسه کي ايته مۊستند ٚ فئلمه، آر. جی. کاتلر ٚ کارگرداني أمرأ ۲۰۲۱ فبريه مئن مؤنتشر بۊبؤست. آىليش گرمي جائزه شصت ؤ سوؤمي مراسم ٚ دۊرۊن، "No Time to Die" (مؤردن ٚ ره وختي ننأ) ترانه وأسي بئترين ترانه‌اي کي تصويري رسانه‌ئن ٚ ره بينيويشته بۊبؤسته جائزه-یأ فيگيته ؤ "Everything I Wanted" (هرچي کي خأستيمي) ترانه وأسي ني سال ضبط گرمي جائزه-یأ فيگيته.

آىليش ۲۰۲۱ جۊلای ۳۰ مئن خۊ دۊوؤمي آلبؤم-أ کي اۊن ٚ نام "Happier than Ever" (همیشک ٚ جه خۊشحال‌تر) ايسه، مۊنتشر-أ گۊده. ۱۶ ترانه دأره.

• مي ذهن کؤیه نهأ؟ (۲۰۱۸)
• تک به تک ٚ تۊر (۲۰۱۸–۲۰۱۹)
• زماتي کي آمان خۊسيمي، کؤيه شيم؟ (۲۰۱۹)
• آما کؤیه شيم؟ جهاني تۊر (۲۰۲۰)