آكيرا كوروساوا ( 黒澤 明) بيچه بوبوسته ۲۳ مارس ۱۹۱۰- بمرده ۶ سپتامبر ۱۹۹۸ ژاپونی كارگردان، سناريو نويس ، اينگاره كس (تهيه كننده) كی سينما تاريخ مئن جه مهمترين و پيله كسان ايسه.
كوروساوا سی تا فيلم چگوده، خو ۵۷ سال زندگی هنری دوره مئن. كوروساوا سال ۱۹۳۶ مئن ژاپون فيلم چگوني صنعتَ واردَ بوسته. قبل ازون نقاشی دونبالَ گودی و چند سال كاگردان ياور بو و سناريو نيويشتی. دوم جهانی جنگ مئن، اولين بار سال ۱۹۴۳ كارگردان ايتا فيلم بوسته، ايتا اكشن فيلم كه اونه نام جودو افسانه بو. جنگ كه تومانه بوسته،كوروساوا فيلمِ دَگرا فيرشته چاگوده كه منتقدانَ خوش بَمو و اونه واستی دستكلا بزئيد (۱۹۴۸). كوروساوا اَ فيلمه مئن ايتا ناشناس بازيگرَ كه اونه نام توشيرو ميفونه بو اصلی نقشَ فَدا. هتويی كوروساوا، جوان فيلم چاگونان مئن، جا بيگيفته. اَ دو نفر (كوروساوا و ميفونه) ۱۵ سينمايي فيلم مئن همديگر امره كار بوگوديد.
كوروساوا ژانران موختلفی رو فيلم چگوده و سال ۱۹۵۰ مئن راشامون كارگردانی بوگوده كه پيله موفقيت جهان مئن دشتی و بِتَنسته جايزه ونيز جشنواره بدست باوره و اولين بار بو كه خوجير ژاپونی سينمای اروپايئن جولو نشان بدا.
This article uses material from the Wikipedia گیلکی article آکيرا کۊرؤساوا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). دله (محتوا) CC BY-SA 4.0 مئن دسفأرسه مگر اين کي اۊنˇ خلاف بۊته بۊبۊن. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki گیلکی (DUHOCTRUNGQUOC.VN) is an independent company and has no affiliation with Wiki Foundation.