The Sims FreePlay (en galego, Os Sims Gratuíto) é un videoxogo de simulación social creado por EA Mobile e distribuído por Electronic Arts para dispositivos móbiles.
É o segundo xogo deste tipo da serie, sendo o primeiro The Sims 3. Foi lanzado entre 2011 e 2013 para iOS, Android, Blackberry e Windows Phone.
Pódense crear ata 34 sims, personalizando datos xenéticos e o estilo. Unha vez feito isto vivirán en casas xa deseñadas, ou creadas dende cero, amoblándoas a gusto. Tamén os Sims deben traballar, relacionarse con outros e demais actividades, igual que en calquera outro xogo da franquía.
Para gardar o progreso dunha partida débese iniciar sesión con Facebook, Google Play (dispositivos Android) ou Game Center (iOS). Amais, a nube permite pasar os progresos no xogo a outros dispositivos.
En xeral, o xogo recibiu críticas positivas por parte dos críticos especializados e superou as 100 millóns de descargas.
Na App Store (tenda para dispositivos Apple), o xogo ten unha puntuación de 4.5/5 estrelas baseada en 79,9 mil comentarios.
En Google Play (tenda para dispositivos Android) posúe 4.2/5 estrelas en base a 5 millóns de comentarios.
O sitio web Metacritic deulle unha puntuación de 80 sobre 100 en crítica e 5.6 sobre 10 en opinións dos usuarios.
Gamezebo aclarou que Os Sims Gratuíto é todo o que un podería querer nun xogo gratuíto dos Sims.
Everyeye.it, en cambio, dixo que se ben o xogo tiña bos gráficos, opcións variadas de obxectos e boa música, non era gratuíto tal como o seu título indica. Ademais, fixo énfase no sistema de microtransaccións e o uso do tempo real como parámetro no xogo.
This article uses material from the Wikipedia Galego article The Sims FreePlay, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.