Tadao Ando: Arquitecto xaponés
Tadao Ando (en xaponés 安藤忠雄 Andō Tadao), nado en Osaca o 13 de setembro de 1941, é un arquitecto xaponés cuxo estilo arquitectónico se clasifica ás veces coma Critical Regionalism (Rexionalismo Crítico).
Traxectoria
Traballou coma camioneiro e boxeador antes de ser arquitecto e sen contar coa formación académica da profesión, é un dos arquitectos xaponeses con máis recoñecemento dentro e fóra do seu país. Foi galardoado co Premio Pritzker no ano 1995.
Traballa primeiramente con formigón para encofrados "in situ", sendo recoñecido o seu traballo por unha exemplar artesanía que invoca o sentido xaponés de materialidade, unión e narrativa espacial a través da simple estética do modernirmo internacional. Os seus edificios caracterízanse por complexos camiños tridimensionais. Estes camiños líganse entre espazos exteriores e interiores, formados ambos a grande escala xeométrica e nos espazos entre eles.
No ano 1969 estableceu a firma Tadao Ando Architects & Associates.
A súa "Row House" (Casa en fila), unha pequeda casa de dous plantas, feita con formigón in situ e rematada no ano 1976, é un dos seus primeiros traballos que amosa elementos do seu característico estilo. Consiste en tres volumes rectangulares iguais: dous volumes interiores separados por un patio aberto. Pola natureza da posición do patio entre os dous volumes interiores, este convértese nunha parte integral do sistema de circulación da casa.
No 1995, Ando gañou o prestixioso Premio Priztker da Arquitectura. Doou os 100.000 dólares aos nenos orfos do terremoto de Kobe dese mesmo ano.
Principais proxectos
- "Row House" (Azuma House), Sumiyoshi-ku, Osaca, 1976
- Rokko Housing One, Rokkō, Kōbe, 1983
- Festival, Naha, 1984
- Igrexa sobre a auga, Shimukappu, 1988
- GALERÍA akka, Osaca, 1988
- Museo da Infancia, Himeji, 1989
- Igrexa da Luz de Osaca, Ibaraki, 1989
- "Collezione", Toquio, 1989
- Templo da auga, Illa de Awaji, 1991 [1]
- Museo de Arte Comtemporáneo de Naoshima, Naoshima, 1992 [2] [3]
- Pavillón Xaponés da Expo 92, Sevilla, 1992
- "Rokko Housing Two", Rokkō, Kōbe, 1993
- Residencia privada, Chicago, 1997
- Fundación das Artes Pulitzer, Missouri, 2001 [4]
- Museo de Arte Moderna de Fort Worth, Fort Worth, 2002 [5]
- Museo de Arte Chichu, Naoshima, 2004 [6]
Véxase tamén
| Commons ten máis contidos multimedia sobre: Tadao Ando |
Ligazóns externas
- Páxina Web de Tadao Ando
- Páxina non oficial de Tadao Ando
- Folla Web de Tadao Ando en greatbuildingsonline.com
Modelo:PremiosPritzker
This article uses material from the Wikipedia Galego article Tadao Ando, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.