Som Catalans (SOM) é un partido político catalán xenófobo e independentista.
Foi fundado na primavera de 2014 a partir dunha escisión catalanista de Plataforma per Catalunya.
Som Catalans | |
---|---|
Partido político de Cataluña | |
Historia | |
Fundación | 2014 |
Posicións políticas | |
Ideoloxía | Independentismo catalán Extrema dereita |
Representación | |
Concelleiros de Cataluña | 0 / 9.069 |
Outros datos | |
Na rede | |
www.somcat.cat/ | |
O partido foi fundado pola vigatana Ester Gallego e o valenciano Enric Ravello. Ester Gallego militara en Esquerra Republicana de Catalunya na década dos 90 e máis tarde en Plataforma per Catalunya . Enric Ravello militara no Círculo Español de Amigos de Europa, no Movemento Social Republicano e, máis tarde, en Plataforma per Catalunya, onde foi responsable das relacións internacionais.
Som Catalans está incluído no movemento identitario. A nivel internacional, mantén relacións cos partidos Vlaams Belang en Flandres, a Liga italiana, Aitheantas Éire en Irlanda e o Casal Europa en Perpiñán, dirixido polo ex-militante da Fronte Nacional Llorenç Perrié.
Presentouse ás eleccións municipais de 2015 en Vic sen obter representación. Presentouse ás eleccións municipais de 2019 en Llagostera, Sabadell, Sant Feliu de Guíxols e Ripoll sen obter representación en ningures.
This article uses material from the Wikipedia Galego article Som Catalans, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.