Século -Viii: Século

C. < Século VIII a. C. > século VII a. C.

O século VIII a.C foi un período de grandes cambios nas civilizacións.

En Exipto corresponde ás dinastías XXII, XXIII, XXIV e XXV cuxos soberanos (excepto a XXIV) eran de orixe estranxeira; libio (dinastías XXII e XXIII) e kushita ou etíope (dinastía XXV). O Imperio neoasirio alcanza o pico do seu poder, conquistando varios países veciños, entre eles o reino de Israel.

Grecia coloniza outras rexións do mar Mediterráneo e o mar Negro. A civilización etrusca expándese por Italia. Convencionalmente tómase este século oitavo como o principio da Antigüidade clásica, coa primeira Olimpíada festexada no 776 a.C. Nesta época crese que foron compostos os textos épicos de Homero (A Ilíada e a Odisea). Na China rexístrase unha eclipse solar histórica no ano 780 a.C.

Na India -en plena Idade de Ferro- comeza a cultura da cerámica negra puída norteña, de baixa tecnoloxía e produción de armas de ferro. Esta cultura é unha das candidatas de ser a cultura védica.

Grecia

• Fórmase a cultura grega.
• A civilización helénica coloniza o Mediterráneo e o Mar Negro.

República romana

• No norte de Italia termínase a cultura de Villanova; comeza a civilización etrusca.

Península Ibérica

• Idade de Ferro na Península Ibérica.

Resto de Europa

• Influencia traco-cimeria, cimerios, en Europa Central.
• 700 a.C.: os escitas empezan a ocupar as áreas de Cimeria, desprazando gradualmente aos habitantes previos.

Exipto

• 750 a.C.: comeza a dinastía XXV de Exipto, que durará ata en 656 a.C..

Asia

• Asiria conquista Damasco e Samaria.

• Homero, escritor grego. (Descoñécese a data exacta; xeralmente é datado entre mediados e fins do século VIII a.C.).
• Hesíodo, escritor grego.