Rainer Werner Fassbinder
Rainer Werner Fassbinder, nado en Bad Wörishofen (Baviera) o 31 de maio de 1945 e finado en Múnic o 10 de xuño de 1982 foi un director de cinema e guionista alemán, un dos principais representantes do novo cinema alemán.
Traxectoria
Nado nunha familia burguesa, os seus pais separáronse en 1951, quedando coa súa nai. Porén, a tuberculose da súa nai mantívoos separados longas tempadas, sendo coidado por amigos. Fassbinder cada vez volvíase máis independente e incontrolable, pasando moito tempo nas rúas e escapándose da escola. Co diñeiro que lle daba a súa nai ía ao cine case cada día, e en ocasións, tres ou catro veces no mesmo día. Con quince anos marchou a Colonia a vivir co seu pai, co que discutía habitualmente. Aló estudou na escola nocturna e facía pequenos traballos. Tamén comezou a escribir obras, poemas e contos.
En 1963 mudouse a Múnic, tomando clases de interpretación. En 1965 escribiu e dirixiu unha curtametraxe, Der Stadtstreicher, financiado polo seu amante, o aspirante a actor Christoph Roser. Dous anos despois uniuse a unha compañía teatral, na que actuaba e dirixía.
A partir de 1969 concentrouse na súa carreira cinematográfica, pero volveu intermitentemente ao teatro ao longo da súa vida. Durante os quince anos que durou a súa carreira no cinema dirixiu máis de corenta filmes e telefilmes. Ademais tamén foi compositor, director de produción, director de fotografía, produtor e montador, recibindo premios en múltiples festivais.
Nos anos nos que rodaba o seu último filme, Querelle (1982), Fassbinder abusaba do alcohol e das drogas. A tarde do nove de xuño de 1982, entou no seu cuarto a traballar nun futuro filme, Rosa L, baseado na vida de Rosa Luxemburg. Á unha da madrugada falou por teléfono co seu amigo e axudante Harry Baer. Cando a parella de Fassbinder, a montadora Juliane Lorenz, chegou á casa, entrou no cuarto (sen permiso) e atopouno morto na cama. A causa da morte foi un dose letal de cocaína e barbitúricos.
Filmografía
| Ano | Filme |
|---|---|
| 1969 | Liebe ist kälter als der Tod |
| 1969 | Katzelmacher |
| 1970 | Götter der Pest |
| 1970 | Warum läuft Herr R. Amok? |
| 1970 | Der amerikanische Soldat |
| 1971 | Whity |
| 1971 | Warnung vor einer heiligen Nutte |
| 1972 | Händler der vier Jahreszeiten |
| 1972 | Die bitteren Tränen der Petra von Kant |
| 1974 | Angst essen Seele auf |
| 1974 | Effi Briest |
| 1975 | Faustrecht der Freiheit |
| 1975 | Mutter Küsters Fahrt zum Himmel |
| 1976 | Satansbraten |
| 1976 | Chinesisches Roulette |
| 1978 | Despair |
| 1978 | In einem Jahr mit 13 Monden |
| 1979 | Die Ehe der Maria Braun |
| 1979 | Die dritte Generation |
| 1981 | Lili Marleen |
| 1981 | Lola |
| 1982 | Die Sehnsucht der Veronika Voss |
| 1982 | Querelle |
Notas
Véxase tamén
Wiki Commons ten máis contidos multimedia na categoría: Rainer Werner Fassbinder  |
Ligazóns externas
- Fassbinder's Satan's Brew
- Fassbinder Foundation
- Rainer Werner Fassbinder na IMDb (en inglés).
- Carreira
- Holy Whore: Remembering Rainer Werner Fassbinder
- Entrevista Arquivado 03 de abril de 2008 en Wayback Machine. con Hanna Schygulla sobre Fassbinder
- Artigo
- "We still miss him", artigo do Insituto Goethe (2010)
This article uses material from the Wikipedia Galego article Rainer Werner Fassbinder, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.