Provincia De Coclé
Coclé é unha provincia do centro de Panamá.
A súa superficie é de 4,927km² e conta con 260 292 habitantes (2010). A súa capital é Penonomé. Limita ao norte coa provincia de Colón, ao leste coa provincia de Panamá Oeste, ao sur coa de Herrera e o golfo de Parita e ao oeste coa de Veraguas. O centro e norte da provincia están accidentados pola cordilleira central; no sur atópanse as chairas centrais, terras baixas moi fértiles que se estenden até o litoral. Tamén é unha provincia de grande riqueza natural e material.
| |||||
| Localización | |||||
|---|---|---|---|---|---|
| |||||
| Estado | Panamá  | ||||
| Capital | Penonomé | ||||
| Poboación | |||||
| Poboación | 233.708 (2010) (47,43 hab./km²) | ||||
| Xeografía | |||||
| Superficie | 4.927 km² | ||||
| Creación | 1855 | ||||
| Identificador descritivo | |||||
| Fuso horario | |||||
| ISO 3166-2 | PA-2 | ||||
.jpg)
Toponimia
O seu nome orixínase probablemente do caudaloso Río Coclé do Norte e Río Coclé do Sur, que atravesan estas terras. Localmente chámaselle "coclé" a un paxaro, o Aramides axillaris. Outra orixe posible débese ao cacique Coclé, queví que dominaba a Chaira Central. Por outra banda, sábese que a rexión foi o territorio histórico dos chamados “indios coclé", gobernados polos seus quevi ou caciques.
Historia
A provincia de Coclé foi creada mediante Acta do 12 de setembro de 1855, co título de departamento, sendo presidente do Estado Federal o estadista Justo Arosemena. Polo decreto Nº 190 do 20 de outubro de 1886, o antigo departamento tomou o nome definitivo de provincia de Coclé, ratificado pola Constitución Política da República de Panamá de 13 de febreiro de 1904, sendo presidente Pablo Arosemena.
Xeografía
O norte da provincia é atravesada pola Cordilleira Central de Panamá, con escarpadas elevacións de orixe volcánica que van desde os 200 m s. n. m. até os 1.185 m s. n. m., ao sur atópase a gran chaira que se estende até a costa. O clima é tropical chuvioso, con precipitacións da orde dos 2500 mm anuais, que nalgúns puntos do norte das provincias alcanza os 4.000 mm. Os ríos principais da provincia pertencen á vertente do Pacífico (Grande, Chico) e no límite norte do territorio teñen orixe algunhas correntes que, a través do Coclé do Norte, van dar ao mar Caribe.
División administrativa
A provincia de Coclé está dividida en seis distritos e 47 correxementos:
| Distritos | Correxemento | Cabeceira de distrito |
|---|---|---|
| Aguadulce | Aguadulce, El Cristo, El Roble, Pocrí, Barrios Unidos, Pueblos Unidos, Virgen del Carmen, El Hato de San Juan de Dios | Aguadulce |
| Antón | Antón, Cabuya, El Chirú, El Retiro, El Valle, Juan Díaz, Río Hato, San Juan de Dios, Santa Rita, Caballero | Antón. |
| La Pintada | La Pintada, El Harino, El Potrero, Llano Grande, Piedras Gordas, Las Lomas, Llano Norte | La Pintada |
| Natá | Natá de los Caballeros, Capellanía, El Caño, Guzmán, Las Huacas, Toza, Villarreal | Natá de los Caballeros |
| Olá | Olá, El Copé, El Palmar, El Picacho, La Pava | Olá |
| Penonomé | Penonomé, Cañaveral, Coclé, Chiguirí Arriba, El Coco, Pajonal, Río Grande, Río Indio, Toabré, Tulú | Penonomé |
Referencias
Véxase tamén
| Wiki Commons ten máis contidos multimedia na categoría: Provincia de Coclé |
This article uses material from the Wikipedia Galego article Provincia de Coclé, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.