Provincia De Badaxoz

Pola súa área, 21.657 km², é a provincia máis extensa de España. Polo norte limita coa outra provicia extremeña, Cáceres, con Cidade Real (enclave de Rincón de Anchuras) e con Toledo; polo leste confina con Cidade Real e Córdoba; polo sur con Sevilla e Huelva; e polo oeste linda coa antiga provincia do Alto Alentexo (Portugal). A súa capital é a cidade homónima.

Provincia de Badaxoz

Provincia de Badajoz (es)
Localización
38°40′01″N 6°10′01″O / 38.667, -6.1676°10′01″O / 38.667, -6.167
Estado	España
Comunidade autónoma	Estremadura
Capital	Badaxoz
Contén a división administrativa	Valdelacalzada (pt)
Poboación
Poboación	669.943 (2021) (30,78 hab./km²)
Xeografía
Superficie	21.766 km²
Punto máis alto	Cerro de Tentudia (en) (1.110 m)
Punto máis baixo	Río Guadiana (110 m)
Comparte fronteira con	provincia de Toledo Provincia de Huelva Distrito de Évora Distrito de Portalegre Provincia de Sevilla provincia de Cidade Real Provincia de Córdoba Provincia de Cáceres Distrito de Beja
Datos históricos
Precedido por	Reino de Sevilla
Creación	1833
Organización política
Órgano executivo	Diputación Provincial de Badajoz (en)
• Q47301228	Valentín Cortés
Identificador descritivo
Código postal	06
Fuso horario	UTC+01:00
ISO 3166-2	ES-BA
Código NUTS	ES431
Código INE	06
Páxina web	dip-badajoz.es

O centro e centro-norte da provincia é un territorio chairo, con declive suave do terreo de leste (Monte Matilla, 914 m) a oeste (Badaxoz, 195 m; Monte Alar, 610 m). O centro-sur (Sierra Vieja, 812 m), e sobre todo o sur, son máis elevados. Na parte meridional, o relevo adquire maior potencia, nas proximidades da linde coa provincia de Huelva, onde se erguen cordais occidentais da Serra Morena: Serra de Tudia, co Pico de Tentudia (1.104 m) .

O río Guadiana atravesa a parte norte da provincia de leste a oeste, e á altura de Badaxoz, pasa a incurvarse para o sur, conformando en boa medida a fronteira con Portugal . Os maiores ríos badaxocenses pertencen á súa conca; os máis importantes verten nel as súas augas pola marxe esquerda, seguindo, en xeral, unha dirección de corrente sur-norte: Zújar, Guadamez, Matachel, Ardila. Os afluentes da marxe dereita son máis curtos, limitados polos cordais occidentais da prolongación dos Montes de Toledo nos límites provinciais con Cáceres.

Clima

A carencia de grandes serras no oeste fan que as borrascas atlánticas non atopen obstáculos de consideración; con todo Badaxoz está comprendido na zona de influencia do clima mediterráneo. As precipitacións son maiores que no interior e franxa oriental da península, cunha media de entre 500 e 600 mm anuais de media (Badaxoz capital: 506 mm), mentres a temperatura media anual é superior aos 15 °C. Pódese falar dun clima seco e suave.

No ano 1998, na provincia de Badaxoz habitaban 663.803 habitantes (un total de 678.103 habitantes para o ano 2005 ). O crecemento vexetativo anual era positivo, cun 0,1 por cada 1000 habitantes. As taxas de natalidade e mortalidade eran de 9,6 e 9,66 respectivamente. Badaxoz capital ten unha poboación de 134.710 habitantes no padrón do ano 1998.

• A Serena, no leste.
• A Terra de Barros, ocupa gran parte do centro da provincia.
• Llanos de Olivenza, no oeste, nos confíns con Portugal.
• A Serra no sur.

Ao norte do Guadiana, fican: no centro as Vegas del Guadiana, e a oeste os denominados Baldíos de Alburquerque.

Os municipios máis poboados da provincia de Badaxoz (INE 2007) son:

• Badaxoz (145.257 habitantes).
• Mérida (54.894 habitantes), capital da comunidade autónoma.
• Don Benito(34.540 habitantes).
• Almendralexo (31.072 habitantes).
• Villanueva de la Serena (25.318 habitantes).
• Zafra (16.014 habitantes).
• Montijo (15.711 habitantes).
• Villafranca de los Barros (13.084 habitantes).
• Olivenza (11.652 habitantes).
• Jerez de los Caballeros (9.828 habitantes).