Premios Do Cinema Europeo
Os Premios do Cinema Europeo foron establecidos en 1988 pola Academia do Cinema Europeo para recoñecer os méritos cinematográficos europeos.
Os premios outórganse en dez categoría, sendo a máis importante a de mellor filme. Os premios están restrinxidos ao cinema de Europa e aos produtores, directores e actores europeos.
Os premios recibiron ata 1997 o nome de premios Félix en referencia á antiga estatua do galardón, logo substituída por unha estatua feminina.
A sede de entrega altérnase entre Berlín e outras cidades europeas.
Procedemento do premio
Os filmes que participan deben ser longametraxes de ficción estreadas publicamente e mostradas (en festivais ou cines convencionais) despois do 1 de xullo do ano anterior. Baseándose nunha selección de aproximadamente corenta filmes recomendados para as candidaturas, os membros da Academia do Cinema Europeo vota os nomeamentos nas categorías principais, que se anuncian a principios de novembro no Festival de Cinema Europeo de Sevilla. A partir das candidaturas, os membros da Academia votan os gañadores en cada categoría, que se entregan nunha cerimonia a principios de decembro.
Elixibilidade
Os criterios para que un filme cualifique como europeo baséanse na convención europea sobre coprodución cinematográfica, apéndice II, establecido polo Consello de Europa. Esta definición pode estenderse a obras e nacionalidades israelís e palestinas.
Unha obra cinematográfica considérase europea se acada polo menos 15 puntos:
| Elementos europeos | Peso dos puntos |
|---|---|
| Grupo creativo | |
| Director | 3 |
| Guionista | 3 |
| Compositor | 1 |
| Grupo de interpretación | |
| Primeiro papel | 3 |
| Segundo papel | 2 |
| Terceiro papel | 1 |
| Grupo técnico | |
| Cámara | 1 |
| Gravador de son | 1 |
| Montador | 1 |
| Director artístico | 1 |
| Estudio ou lugar de gravación | 1 |
| Lugar de posprodución | 1 |
Marcas
Gañadores do "Big Five"
A seguinte é unha listaxe dos filmes gañadores do "Big Five" (filme, director, guión, actor e actriz). Só un filme gañou estes cinco premios.
| Ano | Filme | Director | Guionista | Actor | Actriz | País |
|---|---|---|---|---|---|---|
| 2016 | Toni Erdmann | Maren Ade | Maren Ade | Peter Simonischek | Sandra Hüller |  Alemaña |
Múltiples vitorias
Filmes que gañaron tres premios ou máis.
NotasVéxase taménLigazóns externas
|
This article uses material from the Wikipedia Galego article Premios do Cinema Europeo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.