París de Noia é unha das orquestras de variedades máis importantes de Galicia xunto con outras como orquestra Panorama, Olympus ou Charleston Big Band.
Foi fundada no ano 1957 polo acordeonista Joaquín García Piñeiro xunto con outros once membros e Constantino Pego, “O Xitano”.
París de Noia | |
---|---|
Actuación en Muros, 2017 | |
Orixe | Noia, Galiza |
Período | 1957 - actualidade |
Xénero(s) | Orquestra |
Na rede | |
parisdenoia.es |
Comezou a súa andaina amenizando festexos e verbenas da zona da Coruña, mais axiña se foi estendendo ó resto da xeografía galega e tamén fóra de Galiza. No ano 1981, Miguel A. García Souto, o fillo de Joaquín, asume o liderado da banda, incorporándose tamén o seu irmán Kin e unha nova voz, a do cantante Blas. É a partir desta época cando a traxectoria musical de París de Noia ascende dun xeito tal que se converte nunha das orquestras máis coñecidas do panorama festeiro galego. Dende 1995 está representada pola axencia Espectáculos Lito, de Ángel Martínez Pérez, encargada da contratación.
Actualmente o cadro de persoal da orquestra está formada por 14 músicos, 2 bailaríns, un técnico de son, dous técnicos de iluminación e 6 técnicos de montaxe.[Cómpre referencia]
This article uses material from the Wikipedia Galego article París de Noia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.