Lingua Naʼvi: Lingua ficticia artificial

Na franquía cinematográfica, a lingua é falada polos naʼvi, unha raza de humanoides indíxenas da lúa extraterrestre de Pandora. A lingua foi creada por Paul Frommer, un profesor da Universidade do Sur de California cun doutoramento en lingüística. O naʼvi foi deseñado para adaptarse á concepción do cineasta James Cameron de como debería soar a linguaxe no filme. Tiña que ser aprendible de forma realista polos personaxes humanos ficticios do filme e pronunciable polos actores, mais tampouco debía parecerse moito a ningunha linguaxe humana.

Cando se estreou o filme en 2009, o naʼvi tiña un vocabulario crecente dunhas mil palabras, mais a comprensión da súa gramática limitábase ao creador da lingua. Porén, isto cambiou posteriormente xa que Frommer ampliou o léxico a máis de 2600 palabras e publicou a gramática, convertendo así o naʼvi nunha lingua relativamente completa, aprendible e útil.

Outros artigos

• Traducións da Biblia a linguas ficticias

Bibliografía

• Frommer, Paul; Zimmer, Benjamin (19 de decembro de 2009). "Some highlights of Na'vi". Language Log. Consultado o 9 de xaneiro de 2010. 
• Milani, Matteo (24 de novembro de 2009). "An interview with Paul Frommer, Alien Language Creator for Avatar". Unidentified Sound Object. Consultado o 9 de xaneiro de 2010. 
• Sancton, Julian (1 de decembro de 2009). "Brushing up on Na'vi, the Language of Avatar". Vanity Fair. Arquivado dende o orixinal o 8 de xaneiro de 2010. Consultado o 9 de xaneiro de 2010. 
• Wilhelm, Maria; Mathison, Dirk (2009). James Cameron's Avatar: A Confidential Report on the Biological and Social History of Pandora. New York City: !t (HarperCollins). ISBN 978-0-06-189675-0. 
• Zimmer, Benjamin (4 de decembro de 2009). "Skxawng!". The New York Times. Consultado o 9 de xaneiro de 2010.  This includes a sound recording of Frommer saying several phrases in Naʼvi.