Love Me Do

A canción foi lanzada como sinxelo no Reino Unido, na súa primeira versión, o 5 de outubro de 1962, con «P.S. I Love You» ocupando a cara B do disco e figura no primeiro álbum de The Beatles, Please Please Me, comercializado o 22 de marzo de 1963. Alcanzou o n.º 17 nunha das listas británicas, sendo relanzado, xa na súa segunda versión, en 1982, alcanzando nesta ocasión o n.º 4. En Estados Unidos, que desde o principio editouse na súa segunda versión, o sinxelo foi n.º 1 en 1964.

A canción comezaba cun harmónico de blues tocado por John Lennon, agregándose Lennon e McCartney coas voces principais simultaneamente (George Harrison interveu na harmonía vocal); malia que era Lennon o que tiña que cantar o só do título da canción, finalmente decidiuse que o interpretase McCartney, xa que Lennon tiña que utilizar a harmónica cando regresaban os instrumentos no «do» de «love me doo».

«Love Me Do» foi gravada en varias ocasións con tres baterías diferentes:

• Os Beatles gravárona primeramente o 6 de xuño de 1962 con Pete Best á batería, como parte da súa audición nos estudos de EMI de Londres.
• Para o 4 de setembro, Best foi remplazado por Ringo Starr (o produtor George Martin non aprobara a interpretación de Best á batería), e ese mesmo día os Beatles volveron gravar con Starr unha nova versión da canción nos mesmos estudos de EMI.
• Unha semana despois, o 11 de setembro, os Beatles regresaron ao mesmo estudo para gravar «Love Me Do» co batería de sesión Andy White, xa que George Martin estaba pouco satisfeito coa interpretación de Starr á batería, relegándolle para esta ocasión a que tocase a pandeireta na canción.

Con todo, o primeiro sinxelo dos Beatles incluía a versión de «Love Me Do» con Ringo Starr á batería. Foi esta versión a que só puido alcanzar no Reino Unido o n.º 17 no Record Retailer, unha das catro principais listas musicais que había entón en Gran Bretaña. A versión con Andy White á batería non aparecería ata a edición do álbum Please Please Me en marzo de 1963, á vez que as sucesivas reediciones do sinxelo «Love Me Do» xa o facían coa versión que se incluíu no primeiro LP do grupo e a versión de Pete Best sería incluída na recompilación Anthology 1.

Na versión gravada o 6 de xuño de 1962 e publicada en Anthology 1:

• John Lennon - harmónica, voz principal conxunta
• Paul McCartney - baixo eléctrico, voz principal conxunta
• George Harrison - guitarra acústica
• Pete Best - batería
• Produtor: George Martin

Na versión gravada o 4 de setembro de 1962 e publicada en sinxelo o 5 de outubro de 1962:

• John Lennon - harmónica, voz principal conxunta
• Paul McCartney - baixo eléctrico, voz principal conxunta
• George Harrison - guitarra acústica
• Ringo Starr - batería
• Produtor: George Martin

Na versión gravada o 11 de setembro de 1962 e publicada no álbum Please Please Me:

• John Lennon - harmónica, voz principal conxunta
• Paul McCartney - baixo eléctrico, voz principal conxunta
• George Harrison - guitarra eléctrica
• Andy White - batería
• Ringo Starr - pandeireta
• Produtor: Ron Richards, en ausencia de George Martin

"Love Me Do" foi regravada por outros artistas entre eles: Sandie Shaw en 1969, Ringo Starr no álbum solo de 1998 Vertical Man, Emmerson Nogueira en 2004 e David Bowie cantouna na xira de Ziggy Stardust.

• «Love Me Do» na versión con Ringo Starr a batería

Ano	País	Lista	Posición	Semanas n.º 1	Semanas na lista
1962	Reino Unido	Record Retailer	17	—	18
		New Musical Express	27	—
		Melody Maker	21	—	16
1964	Estados Unidos	Billboard Hot 100	67	—

• «Love Me Do» na versión con Andy White a batería

Ano	País	Lista	Posición	Semanas n.º 1	Semanas na lista
1964	Estados Unidos	Billboard Hot 100	1	1	14
		Record World	1	1
		Cash Box	1	1

• Discografía de The Beatles

• Harry, Bill (2000). Virgin Publishing, ed. The Beatles — Encyclopedia. Revised and updated. Londres (en inglés). ISBN 0 7535 0481 2. 

• «Love Me Do» en The Beatles Collection
• Artículos, entrevistas y detalles en el New Musical Express, de 1953 a 1969 Arquivado 19 de xuño de 2009 en Wayback Machine.