Lingua Elamita
O elamita é unha lingua morta, que se falou no reino do mesmo nome.
É unha lingua aglutinante que nunca puido ser relacionada coas linguas semíticas veciñas, ou ás linguas indoeuropeas. Algúns lingüistas tentaron aproximar o elamita e o sumerio, sen chegar a convencer aos seus colegas. Outros puxérono en relación coas linguas dravídicas aínda faladas na India. O elamita foi a lingua oficial do imperio persa do século -VI ata o -IV, e os últimos testemuños escritos do seu uso remontan á época da conquista de Alexandre o Grande.
| Elamita | ||
|---|---|---|
| Falado en: | Elam | |
| Extinción: | século IV a.C. | |
| Familia: | Lingua illada Elamita | |
| Códigos de lingua | ||
| ISO 639-1: | -- | |
| ISO 639-2: | elx | |
| ISO 639-3: | elx | |
| Mapa | ||
| Status | ||
 | ||
| Mesopotamia |
| Río Éufrates – Tigris |
| Cidades / Imperios |
| Sumeria: Uruk – Ur – Eridu |
| Kish – Lagash – Nippur |
| Imperio acadio: Agadé |
| Babilonia – Isín – Larsa – Susa |
| Asiria: Asur – Nínive |
| Nuzi – Nimrud |
| Imperio Babilónico – Caldea – |
| Elam – Amorreos |
| Mitanni – Casitas |
| Cronoloxía |
| Reis sumerios |
| Reis de Asiria |
| Reis de Babilonia |
| Lingua |
| Escrita cuneiforme |
| Lingua sumeria – Acadio |
| Elamita |
| Mitoloxía |
| Gilgamesh – Marduk |
A escritura elamita
No transcurso do tempo sucedéronse tres grafías elamitas:
- A protoelamita é a máis antiga. Atopámola desde -2900 en Susa, capital de Elam. A escritura protoelamita derivaría dunha escritura sumeria preexistente. Utiliza preto dun millar de signos, e sería parcialmente logográfica. Ao non estar aínda descifrada, non se sabe con certeza se eses signos representan o elamita ou outra lingua.
- O elamita antigo é un silabario derivado do protoelamita e foi empregado con certeza entre -2250 e -2220, malia que podería ter sido elaborado anteriormente. Só está parcialmente descifrado, en particular grazas aos traballos de Walter Hinz. O elamita antigo consiste en 80 símbolos escritos en columnas verticais, lidas de arriba a abaixo e de esquerda a dereita.
- A escritura cuneiforme elamita estivo en uso de -2500 a -330, adaptada a partir doacadio. Esta escritura consiste en 130 símbolos, ben menos que a maioría das outras escrituras cuneiformes.
Véxase tamén
Outros artigos
- Código ISO 639-2: elx
Ligazóns externas
- Gramática elamita - por Enrique Quintana (en castelán).
- Una nueva aproximación gramatical al elamita a través de la web - por Enrique Quintana (en castelán).
This article uses material from the Wikipedia Galego article Lingua elamita, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.