José Jamardo Grela: Ceramista e político galego

A familia regresou a Cesures, onde, despois de traballar como camareiro e encargado da máquina de proxección na sala de cine, pasou a ser aprendiz na Cerámica Artística Gallega. Ceramista, traballou como decorador da Cerámica Celta. En 1932 recibiu unha bolsa da Deputación de Pontevedra para estudos de cerámica, trasladouse a estudar a Madrid, onde coincidiu con Laxeiro. En 1934 comezou a traballar na fábrica de cerámica A Caeira de Pontevedra. En 1936 estableceu o seu propio taller en Cesures, onde fixo a Virxe da Rocha. Logo do golpe de Estado do 18 de xullo de 1936 foi detido. Xulgado en Pontevedra por rebelión militar, foi condenado a cadea perpetua. Estivo preso na Illa de San Simón. Conmutada a condena a 4 anos, liquidou da pena en novembro de 1940. O tempo de cadea causoulle unha doenza reumática que lle paralizou as pernas, polo que abandonou la actividade artística e abriu un quiosco de prensa en Pontecesures. Foi correspondente administrativo de Faro de Vigo e La Noche en Pontecesures. Músico afeccionado, tocaba a guitarra, e xunto con seu irmán Francisco e outros formou a orquestra Novedades. Finou en Pontecesures o 8 de agosto de 1956.

Bibliografía

• Beatriz de San Ildefonso Rodríguez: "José Manuel Jamardo Grela" Real Academia de la Historia.

Ligazóns externas

• José Jamardo Grela na páxina web Nomes e Voces.