José Luis López-Sors González, nado en Ferrol en outubro de 1941, é un enxeñeiro e político español.
Biografía | |
---|---|
Nacemento | outubro de 1941 (82 anos) Ferrol, España |
Datos persoais | |
País de nacionalidade | España |
Actividade | |
Ocupación | enxeñeiro naval , político |
Lingua | Lingua castelá |
Enxeñeiro naval da promoción de 1967, traballou na Empresa Nacional Bazán en Ferrol ata 1970, antes de entrar a formar parte da compañía Fedisa Ingenieros Navales S.A. co cargo de conselleiro delegado. En 1992 abandonou a empresa tras aprobar as oposicións ao Corpo de Enxeñeiros Navais do Estado, ocupando o cargo de xefe das Inspeccións de Buques en Tarragona e Palamós. A continuación foi trasladado a Sevilla para ocuparse desde 1995 da Capitanía Marítima da cidade ata o ano 2000.
En 2000 foi nomeado Director xeral da Mariña Mercante por Francisco Álvarez-Cascos, ministro de Fomento. No Desastre do Prestige era o enlace entre o Ministerio de Fomento e os mandos marítimos en Galicia, foi fiel ao seu xefe e asumiu a responsabilidade de dar as ordes necesarias para afastar o barco e en ningún momento descargou responsabilidades cara a arriba. Desde aquel momento desapareceu da vida pública. En 2012 estaba xubilado e non ocupaba ningún cargo. Foi o único alto cargo imputado no xuízo do Prestige, do que foi finalmente absolto por sentenza do Tribunal Supremo no 2016..
Desde o 14 de febreiro de 2017 é membro de número da Real Academia do Mar.
En 2023 autopublicou Lo que nunca te han contado sobre el Prestige.
This article uses material from the Wikipedia Galego article José Luis López Sors, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.