Imagine é unha canción composta e interpretada polo músico inglés John Lennon.
«Imagine» | |||||
---|---|---|---|---|---|
sinxelo de John Lennon | |||||
do álbum Imagine | |||||
Cronoloxía | |||||
|
É o sinxelo máis vendido de toda a súa carreira e a súa letra anima ao oínte a imaxinar un mundo en paz sen as barreiras das fronteiras ou divisións de relixión ou nacionalidade, e a considerar a posibilidade de que a humanidade debería centrarse en ter unha vida sen atarse a posesións materiais.
Lennon e Yoko Ono co-produciron a canción e o álbum do mesmo nome con Phil Spector. A gravación comezou no estudio caseiro de Lennon en Tittenhurst Park, Inglaterra, en maio de 1971, realizando os overdubs finais no estudio Record Plant, en Nova York, durante o mes de xullo. Un mes despois do lanzamento do LP en setembro, Lennon publicou "Imagine" como sinxelo nos Estados Unidos; o tema chegou ao número 3 da lista Billboard Hot 100 e o álbum foi número 1 na lista británica en novembro, converténdose posteriormente no máis exitoso de toda a súa carreira. Aínda que orixinalmente non foi editado como sinxelo no Reino Unido, lanzouse en 1975 para promocionar un recompilatorio e acadou o número 6 das listas ese ano. Dende entón a canción vendeu máis de 1,6 millóns de copias no Reino Unido; chegaría ao primeiro posto tras o asasinato de Lennon en decembro de 1980. En 1985, instalouse un memorial nunha parte de Central Park cun mosaico onde se pode ler "Imagine" na honra a Lennon.
This article uses material from the Wikipedia Galego article Imagine (canción), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.