Frankenstein Ou O Moderno Prometeo: Novela de Mary Shelley en 1818
Frankenstein ou o moderno Prometeo é unha novela de terror gótico da británica Mary Shelley, que podería englobarse dentro do romanticismo, sendo tamén unha obra pioneira da ciencia ficción.
A obra foi publicada de xeito anónimo en 1818 en Londres, e por primeira vez co nome de Shelley no lombo en Francia dous anos máis tarde.
| Frankenstein | |
|---|---|
 | |
| Título orixinal | Frankenstein; or, The Modern Prometheus |
| Autor/a | Mary Shelley |
| Orixe | Reino Unido |
| Lingua | lingua inglesa (existe trad. publicada en galego) |
| Xénero(s) | novela epistolar, body horror literature, ficción gótica, ciencia ficción e Fantasía |
| Data de pub. | 1/1/1818 |
| Páxinas | 280 |
| [ editar datos en Wikidata ] | |
Trama
A obra conta a historia de Victor Frankenstein, un científico obsesionado por retornar á vida un corpo inerte, o monstro de Frankenstein. Tras obrar o milagre, Frankenstein queda conturbado pola súa creación decide abandonala á súa sorte. Esta vai converterse no seu maior pesadelo.
Creación da obra
A obra foi ideada na Villa Diodati de Xenebra, cando Lord Byron, acompañado polo seu médico persoal, John Polidori, hospedou na súa residencia estival a Mary Shelley e o seu home, Percey Shelley, aínda que por aquel entón Mary e Percey aínda non estaban casados; el acababa de ser desherdado polo seu pai tras abandonar a súa muller e fillos para poder estar coa súa amada de 16 anos. O ano 1816 pasou á historia como o ano sen verán, por culpa da erupción do volcán Tambora que enrareceu a atmosfera durante todo o ano. Confinados baixo o teito da vila, as conversas xiraban arredor do galvanismo e outros temas relacionados co ocultismo. Os catro, acompañados eventualmente pola medio irmá de Mary, remataron por retarse nunha competición para saber quen era capaz de escribir a mellor historia de terror. So a obra de Shelley e The Vampyre de Polidori chegarían a cristalizar. A propia autora explica moitos destes acontecementos no prólogo da propia obra.
Sobre estes eventos do verán de 1816 trata a película Remando ao vento do director ovetense Gonzalo Suárez, na que Lizzy McInnerny interpreta a Mary Shelley e Hugh Grant a Lord Byron.
Se ben Byron non chegou a escribir a súa historia de terror si que compuxo o poema "The Darkness" no que fala da escuridade deses días na Vila Diodati.
Repercusión da obra
A novela abre a porta da ciencia ficción e tanto por isto como polo seu magnetismo vai ser unha obra de referencia en moitos eidos culturais con multitude de adaptacións tanto a literatura, o cine e banda deseñada entre outras.
Notas
Véxase tamén
Wiki Commons ten máis contidos multimedia na categoría: Frankenstein ou o moderno Prometeo  |
Outros artigos
This article uses material from the Wikipedia Galego article Frankenstein ou o moderno Prometeo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.