Fernando Fernández Tapias: Empresario navieiro galego

Criouse en Vigo, nunha familia de clase media de doce irmáns. Debido á súa falla de atención nos estudos, o seu pai decidiu que traballase na lonxa. Despois fixo un curso de xestión e diplomouse no Instituto Internacional de Empresas da Universidade de Deusto. Aos 25 anos casou con Chiqui Riva, coa que tivo catro fillos. As boas relacións co sogro, un coñecido navieiro, servíronlle como lanzamento profesional.

Moveuse entre Vigo, Madrid (para ocuparse da presidencia da Cámara de Comercio) e Marbella, onde botaba os veráns. En 2004 vendeu os seus petroleiros a Teekay, da que actúa como filial en España e Latinoamérica. A súa navieira posúe un 20,5% dos estaleiros Navigasa.

Fundou as empresas navais Amura SA e Roda SA. En 1985 foi presidente da Confederación de Empresarios Independientes de Madrid – CEIM.

Foi propietario de Fernández-Tapias SA (naval, 1991), Conservas Peña SA e Conservas Portonovo SA (dedicadas ao conxelado e enlatado de mariscos e peixes), a sección marítima do Bureau Veritas SAF (dedicada ao control de calidade) e Viajes Sandra’s SA. Foi conselleiro de Unión Fenosa, Viajes Marsáns e Construcciones OHL. Foi presidente da Cámara de Comercio de Madrid.

En 1994 recibiu o Premio ao Empresario do Ano, outorgado pola Cámara de Comercio e Industria de Madrid.

Casou en terceiras nupcias con Nuria González, trinta anos menor que el e filla dun deputado do PP. É tío da avogada e política Marta Fernández-Tapias.

Ligazóns externas

• Biografía (en castelán)