8°12′20″O / 43.495385, -8.205643
Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde decembro de 2014.) |
A estrada de Castela é unha vía urbana que comunica a praza de España de Ferrol coa ponte de Xuvia, en Neda, pasando por Narón. A estrada forma parte da AC-862.
Estrada de Castela | |
---|---|
Mapa de Ferrol de 1859. | |
Tipoloxía | Rúa residencial e comercial |
Dimensións | |
Lonxitude | 7,3 km |
Formato | 1 carril por sentido, beiravías e máis beirarrúas |
Localización | |
Inicio | Praza de España (Ferrol) |
Fin | Ponte de Xuvia, Neda |
Accesos estradas
|
A estrada de Castela, proxectada no século XIX, foi ata finais do século XX o principal acceso a Ferrol.
Nos seus máis de sete quilómetros de percorrido urbano, a estrada ten cinco curvas. O tramo máis longo en liña recta, de tres quilómetros, vai dende a praza de España ata o Alto do Castiñeiro, en Narón. Nas súas orixes a estrada chegaba ata as murallas da cidade de Ferrol, onde está a actual praza de España.
En 1904 creouse a empresa Tranvías del Ferrol. A liña do tranvía unía a praza de España e Xuvia pola estrada de Castela. En 1913 inaugurouse o ferrocarril como novo acceso a Ferrol. O outro xeito de chegar a Ferrol eran as lanchas que unían a cidade coa outra banda da ría. Durante o franquismo a estrada pasou a chamarse Avenida del Generalísimo, nome que volvería a trocar polo actual xa ben entrada a democracia. Ata os anos 90 Ferrol non tiña estación de autobuses, e a praza de España facía esa función.
A finais dos anos 60 inaugurouse a ponte das Pías, que evitaba ir ata Xuvia, unha volta de máis de 15 km. Ata a inauguración a principios dos anos 2000 da autoestrada AP-9, a Estrada de Castela continuou como principal comunicación entre Narón e Ferrol, e o acceso cara ás Pontes. A nova autoestrada permitiu que o tráfico de camións ao porto de Ferrol, Megasa e As Pontes xa non teña que ir pola estrada de Castela. Dende entón pasou a ser unha rúa comercial e residencial.
A estrada ten catro rotondas que ligan con importantes estradas.
Os edificios da estrada numéranse, na banda de Ferrol, dende a praza de España ata a Ponte das Cabras, o límite entre os concellos de Ferrol e Narón. En Narón a numeración vai dende a Ponte das Cabras ata Xuvia. Son case 400 números da banda de Ferrol e case 1000 da de Narón.
This article uses material from the Wikipedia Galego article Estrada de Castela (Ferrol), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.