Ekran-M: Sistema de satélites de comunicacións soviético.
Ekran-M (Ekran de Экран en ruso, significando pantalla), tamén coñecida polo código de artigo 11F647M, foi unha familia de satélites de comunicacións xeoestacionarios soviéticos continuación da seria Ekran orixinal.
Os satélites Ekran-M eran satélites Ekran mellorados e actualizados e empezaron a porse en funcionamento a partir da segunda metade da década dos anos 1980. Tódolos satélites Ekran-M foron posicionados cerca dos 99 graos leste para transmitir directamente a fogares na frecuencia de 0,7 GHz cunha potencia de 200 vatios. En total lanzáronse 6 satélites da familia Ekran-M entre 1987 e 2001, todos mediante foguetes Proton e desde o cosmódromo de Baikonur e exitosos salvo un fracaso total e un éxito parcial (que foi denominado Kosmos 1817).
Os Ekran-M pesaban unhas dúas toneladas e levaban dous transpondedores. Os paneis solares eran maiores e xeraban 1,8 kW de potencia.
Historial de lanzamentos
| Data | Rampla de lanzamento | Carga | Resultado | Notas |
|---|---|---|---|---|
| 30 de xaneiro de 1987 | Cosmódromo de Baikonur | Ekran-M 11L (Kosmos 1817) | Éxito parcial | Primeiro voo dun Ekran-M. A última etapa do foguete non entrou en ignición, co que o satélite quedou en órbita baixa. |
| 27 de decembro de 1987 | Cosmódromo de Baikonur | Ekran-M 1 (Ekran-M 13L) | Éxito | |
| 10 de decembro de 1988 | Cosmódromo de Baikonur | Ekran-M 2 (Ekran-M 12L) | Éxito | |
| 9 de agosto de 1990 | Cosmódromo de Baikonur | Ekran-M 14L | Fallo | Fallo da terceira etapa do foguete Proton. |
| 30 de outubro de 1992 | Cosmódromo de Baikonur | Ekran-M 3 (Ekran-M 15L) | Éxito | |
| 7 de abril de 2001 | Cosmódromo de Baikonur | Ekran-M 4 (Ekran-M 18L) | Éxito | Último voo dun Ekran-M |
Notas
Véxase tamén
Outros artigos
This article uses material from the Wikipedia Galego article Ekran-M, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.