Eesti Televisioon
Eesti Televisioon (en galego: «Televisión estoniana»), máis coñecido polas súas siglas ETV, é a primeira cadea de televisión pública de Estonia, controlada pola organización estatal Eesti Rahvusringhääling.
| Eesti Televisioon | |
|---|---|
 | |
| Inicio das emisións | 19 de xullo de 1955 |
| Propiedade de | Eesti Rahvusringhääling |
| Datos de audiencia | 14.3% (xaneiro 2014, TNS Emor) |
| País |  Estonia |
| Lingua | estoniano |
| Área de emisión | Estonia |
| Sede central | Tallin |
| Canle/s irmá(s) | ETV2 |
Na rede | |
| http://www.etv.ee | |
As súas emisións regulares comezaron o 19 de xullo de 1955 como Tallinna Televisioonistuudio (Estudo de Tallin), e durante máis de 35 anos foi a única canle de televisión dispoñible en Estoniana. ETV cumpre funcións de servizo público, e está obrigada a difundir e promover a cultura nacional do país, así como dar cobertura ás comunidades minoritarias. O seu programación é xeral, e está composta por formatos informativos, entretemento, ficción e series documentais. É membro da Unión Europea de Radiodifusión desde 1993.
No ano 2002 foi a cadea encargada de organizar o Festival de Eurovisión, trala vitoria do país no concurso.
O grupo funcionou por separado do servizo de radio ata o 1 de xaneiro de 2007, cando o Goberno estoniano integrou todas as empresas de radiodifusión pública no ente ERR. Nos últimos anos, Eesti Televisioon desenvolveu canles temáticos para a Televisión Dixital Terrestre como ETV24, de información continua, e ETV2, de carácter cultural e creado en 2008.
Financiamento
Eesti Televisioon finánciase a través de impostos directos. A maior parte do orzamento provén de subvencións da administración pública estona. Un 15% do mesmo está sufragado polas televisións comerciais do país, que pagan a cota a cambio do seu dereito exclusivo para emitir publicidade. Desde 2002, ETV ten prohibida a emisión de publicidade en todas as súas canles. Isto impide tanto anuncios como calquera outra modalidade, como teletenda ou patrocinios.
Notas
Véxase tamén
Outros artigos
Ligazóns externas
- Sitio web oficial de Eesti Televisioon (en estoniano e inglés)
- Sitio web oficial de Eesti Rahvusringhääling (en estoniano, inglés e ruso)
This article uses material from the Wikipedia Galego article Eesti Televisioon, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.