Diego Calvo Pouso, nado en San Sadurniño o 24 de abril de 1975, é un político galego do PPdeG.
Biografía | |
---|---|
Nacemento | 24 de abril de 1975 (49 anos) San Sadurniño, España |
Presidente da Deputación da Coruña | |
Datos persoais | |
País de nacionalidade | España |
Actividade | |
Ocupación | político |
Lingua | Lingua castelá |
Licenciado en Económicas, especialidade de Facenda Pública e Sistema Fiscal. Foi presidente de Novas Xeracións. Foi deputado no Parlamento de Galicia dende febreiro de 2003. Dende 2008 foi Secretario Xeral do PPdeG na provincia da Coruña, baixo a presdencia de Carlos Negreira. En 2009 foi nomeado delegado da Xunta de Galicia para a provincia da Coruña.
Nas eleccións municipais de 2011 resultou elixido concelleiro en Ferrol grazas ó cal foi nomeado deputado provincial e accedeu á presidencia da Deputación da Coruña o 12 de xullo de 2011, tras haber obtivo o PP a maioría absoluta nesta institución. Nas eleccións municipais de 2015 foi elixido de novo concelleiro en Ferrol, como número dous da lista do PP, perdendo a presidencia da Deputación tras non lograr o PP maioría absoluta, o cal dou lugar a un pacto entre o PSdeG-PSOE e o BNG, pasando a ser voceiro do PP na oposición. En novembro de 2015 foi nomeado outra vez delegado da Xunta de Galicia na provincia da Coruña. En marzo de 2016, trala marcha de Carlos Negreira, foi elixido presidente do PPdeG na provincia da Coruña. Nas Eleccións ao Parlamento de Galicia de 2016 foi elixido deputado, pasando a ocupala vicepresidencia primeira do Parlamento.
En abril de 2022, cando Alberto Núñez Feijóo chegou á presidencia do Partido Popular de España, situou a Diego Calvo como responsable do Comité Electoral da formación. E en maio dese ano, logo de asumir como Presidente da Xunta, Alfonso Rueda, nomeouno Conselleiro de Presidencia e vicepresidente segundo da Xunta de Galicia.. En xuño de 2023 pasou a ocupala vicepresidencia primeira. Nas eleccións ao Parlamento galego de 2024, saíu elixido deputado pola Coruña, continuando como Conselleiro de Presidencia, se ben nesta ocasión as vicepresidencias foron suprimidas.
Predecesor: Francisco Conde López | Vicepresidente 1º da Xunta de Galicia 2023 - 2024 | Sucesor: cargo suprimido |
Predecesor: Francisco Conde López | Vicepresidente 2º da Xunta de Galicia 2022 - 2023 | Sucesor: Ánxeles Vázquez Mejuto |
Predecesor: Alfonso Rueda Valenzuela | Conselleiro de Presidencia 2022 - actualidade | Sucesor: no cargo |
Predecesor: Carlos Negreira Souto | Presidente do PP na provincia da Coruña 2016 − actualidade | Sucesor: no cargo |
Wiki Commons ten máis contidos multimedia na categoría: Diego Calvo |
This article uses material from the Wikipedia Galego article Diego Calvo, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Todo o contido está dispoñible baixo a licenza CC BY-SA 4.0, agás que se indique o contrario. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Galego (DUHOCTRUNGQUOC.VN) is an independent company and has no affiliation with Wiki Foundation.